𝗞𝗮𝘇𝗡𝗔𝗥𝗨 «АУЫЛ ШАРУАШЫЛЫҒЫ ЖӘНЕ ОРМАН РЕСУРСТАРЫ» БАҒЫТЫ БОЙЫНША ӘЛЕМНІҢ ҮЗДІК УНИВЕРСИТЕТТЕРІНІҢ ТОП-350 КІРДІ
Қ̲а̲з̲а̲қ̲ ̲ұ̲л̲т̲т̲ы̲қ̲ ̲а̲г̲р̲а̲р̲л̲ы̲қ̲ ̲з̲е̲р̲т̲т̲е̲у̲ ̲у̲н̲и̲в̲е̲р̲с̲и̲т̲е̲т̲і̲ «𝗤𝗦 𝗪𝗼𝗿𝗹𝗱 𝗨𝗻𝗶𝘃𝗲𝗿𝘀𝗶𝘁𝘆 𝗥𝗮𝗻𝗸𝗶𝗻𝗴𝘀 𝗯𝘆 𝗦𝘂𝗯𝗷𝗲𝗰𝘁 𝟮𝟬𝟮𝟰» рейтингісінде «Ауыл шаруашылығы және орман ресурстары» бағыты бойынша әлемнің үздік 350 университетінің қатарына енді. Бұл тек білім ордасының жетістігі ғана емес, барша қазақстандықтар үшін маңызды жаңалық. Өйткені, оқу ордасы осы нәтижесімен 50 сатыға жоғарылап отыр. Ал мұндай көрсеткіш университеттің инфрақұрылымы мен зерттеу қызметі, оқу жүйесінің өте жоғары деңгейге жеткенінің айқын дәлелі.
Бұл жетістік университет қызметкерлерінің, оқытушыларының және студенттерінің көп жылдық жұмыс жоспарының, күш-жігерінің нәтижесі болып табылады. KazNARU заман талабына сай инновациялық әдістемелерді оқу бағдарламасына белсенді енгізіп, мән-маңызы жоғары ғылыми зерттеу жұмыстарына жүйелі кірісіп келеді. Сонымен қатар халықаралық ғылыми және білім беру орталықтарымен ынтымақтастығын нығайтуда. Осының бәрі университетіміздің әлемдегі үздік аграрлық оқу орындары арасында лайықты орнын табуына мүмкіндік беріп отыр.
«Ауыл шаруашылығы және орман ресурстары» пәндік саласында KazNARU 301-350 аралығындағы көрсеткішке ие болды. Бұл осы салада жоғары деңгейлі мамандар даярлауға оқу орнының құзыреті жететінін растайды. Университет агроөнеркәсіптік кешен мен орман шаруашылығындағы күрделі міндеттерді шешуде қабілетті, білікті мамандарды даярлауға бағытталған әртүрлі білім беру бағдарламаларын ұсынады. Оқу ордасында студенттер тек теориялық білімін шыңдап қана қоймай, практикалық дағдыларын да жани түседі. Нәтижесінде олар еңбек нарығында сұранысқа ие нағыз өз ісінің мамандарына айналады.
𝗞𝗮𝘇𝗡𝗔𝗥𝗨 оқу базасын үздіксіз жетілудіруге және дамытуға ұмтылады.
Біздің басты мақсатымыз – оқу сапасына қол жеткізу, цифрлы университет құру, халықаралық талаптарға сай, нағыз ғылыми зерттеу оқу орнына айналу.
𝗞𝗮𝘇𝗡𝗔𝗥𝗨 баспасөз қызметі
