KazNARU

KazNARU-да ӨТКЕН КТК САЙЫСЫНДА “ ФЕНОМЕН” ҚҰРАМАСЫ ТОП ЖАРДЫ

Қазақ ұлттық аграрлық зерттеу университетінде студенттер күніне байланысты факультет аралық КТК ойындары өтті. "Қызықты көңіл - студентттік өмір" тақырыбымен ұйымдастырылған өнер сайысында 6 факультеттен құрама жасақталып, сайысқа түсті.

Студенттердің ой-өрісі мен білімін, арман-қиялы мен эстетикалық талғамын байытатын жарыста қатысушылар барын салды. Көрерменге керемет көңіл күй сыйлап, әзіл алаңында әдемі ойын өрнегін көрсете білді.

Қоғамдағы жастарды толғандыратын, әртүрлі мәселелерді әзілмен астарлай жеткізетін өнер додасында бас жүлде Орман шаруашылығы және жер ресурстары факультетінен құралған «Феномен» командасының қанжығасына байланды. Осылайша аталмыш құрамасы бас жүлде 70 000 мың теңге мөлшеріндегі сыйақы алды.

Ал екінші орын Бизнес және Құқық жоғарғы мектебі факультеті “ИП Динара” құрамасына бұйырды. Жүлде – 50000 теңге. Үздік үштікті Ветеринария және Зооинженерия факультетінің “Фаворит” құрама командасы қорытындылады. Оларға 30 000 теңге сыйақы берілді.

Сонымен қатар, өнер додасында үздік ойын өрнегін көрсеткен Инженерлік технологиялар факультетінің студенті Абдукарим Ұлдана Сейтғалымқызы 15000 теңге ақшалай сыйлықпен марапатталды.

Бұл өнер додасына қатысқан командалар тізімі мынадай:

- Бизнес және Құқық жоғарғы мектебі факультеті “ИП Динара” құрамасы.

- Су ресурстары және IT-технологиялар факультеті “Троя” құрамасы.

- Агробиология факультеті “Тең” құрамасы.

- Инженерлік Технологиялар факультеті “Тракторист” құрамасы.

- Орман шаруашылығы және жер ресурстары факультеті “ Феномен” құрамасы.

- Ветеринария және Зооинженерия факультеті “Фаворит” құрамасы.

Әділқазылар алқасы:

- Маханбет Бауыржан Сәбитұлы, “UAQYT” Қоғамдық қорының төрағасы, Әуезов ауданы комьюнити-орталығының директоры.

- Бейсен Диас Нұрболатұлы, автор-сценарист, 2020 Республикалық Премьер-лига чемпионы.

- Нұрлан Ақынбаев, автор-сценарист, жайдарманшы.

- Алиев Зейілбек Қалдыбайұлы, автор, жайдарманшы.