Халықаралық жасыл және тұрақты даму институты

Халықаралық жасыл және тұрақты даму институты – университеттермен, халықаралық ұйымдармен, компаниялармен және т. б. ынтымақтастықты дамытуды қоса алғанда, білім беруді интернационалдандыру, орнықты даму мақсаттары (ТДМ) және ғылыми-зерттеу байланыстарын нығайту мәселелері бойынша шетелдік әріптестермен халықаралық ынтымақтастықты және халықаралық байланыстарды ілгерілету үшін ҚазҰАЗУ-дың халықаралық оқу-білім беру құрылымы болып табылады.

Институттың негізгі миссиясы – білім беруді интернационалдандыру және ТДМ, кәсіпкерлік, инновациялық менеджмент және жасыл экономика бойынша стартап жобаларды әзірлеу саласында студенттер мен профессор-оқытушылар құрамы үшін түрлі конференциялар, семинарлар мен тренингтер өткізу үшін қолжетімділікті ұйымдастыру және қамтамасыз ету арқылы ғылыми-зерттеу ынтымақтастығын нығайту. Сондай-ақ, Институт университеттің флагмандық бағдарламасы – МВА/ЕМВА бағдарламасын ілгерілетуді ұйымдастыру бойынша жұмыс істейді және МВА/ЕМВА бағдарламалары бойынша оқуға жергілікті және шетелдік студенттерді тартуға жәрдемдеседі.

Институт үшін келесі бағыттар басым болып табылады:

- Тұрақты даму мақсаттарын (ТДМ) іске асыру мәселелері бойынша, оның ішінде «Жасыл Кампус» жобасын іске асыру бойынша ғылыми және зерттеу жобалары мен бағдарламаларын әзірлеу және іске асыру;

-Тұрақты даму (орнықты дамудың экологиялық, экономикалық және әлеуметтік аспектілері), жасыл экономика, жасыл агро-экономика және энергия үнемдеу саласындағы саясат мәселелері бойынша оқу бағдарламаларын әзірлеу;

- Елде және шетелде семинарлар, тренингтер және қолданбалы зерттеулер өткізуге гранттар алу мақсатында конкурстарға қатысу;

- Университет мамандарының жақын және алыс шетелдердің өкілдерімен ынтымақтастықты дамытудағы және жұмысты қарқындатуға және жақсартуға мүдделі ұйымдармен, соның ішінде UNAI, FAO, UNDP, UNESCO, UNIC, ЕҚДБ және т. б. жұмыстағы күш-жігерін үйлестіру;

- Республиканың, сондай-ақ шет елдердің ұқсас ғылыми-зерттеу мекемелерімен, оның ішінде UNAI, FAO, UNDP, UNESCO, UNIC және т. б. ғылыми байланыстар туралы шарттар жасасу;

- Халықаралық және республикалық конференциялар мен симпозиумдарды ұйымдастыру, тағылымдамаларды, ғалымдармен алмасуды жүзеге асыру, ғылыми экспедициялар, көрмелер, тақырыптық кездесулер өткізу;

- Елімізде және шетелде осындай ұйымдармен бірлескен баспа жобаларын жүзеге асыру және баспа қызметін жүргізу;

- Тиісті ғылыми бағыттар бойынша ҒЗЖ жүргізуді қамтамасыз ететін материалдық-техникалық базаны нығайту;

- Бакалаврларды, магистрлерді, PhD-докторанттарды ғылыми қызметке тарту есебінен даярлау сапасын жақсарту және зерттеу нәтижелерін оқу процесінде пайдалану;

- Оқу-білім беру бағдарламаларын әзірлеу және енгізу және іске асыру (ТЖКБ, университеттер, трейнингтер, онлайн, ЖАОК), және халықаралық ынтымақтастықты дамыту;

- Халықаралық рейтингтерде (QS, Times Higher Education, etc) университетті ілгерілету процесіне инновациялық тәсілдерді дамыту және енгізу);

- Оқу-білім беру процесін ғылыми-ақпараттық қамтамасыз ету үшін жағдайлар жасау;

Әлем университеттерінің GreenMetric рейтингі

10 жылға жуық уақыт бойы Қазақ ұлттық аграрлық зерттеу университеті (ҚазҰАЗУ) UI GreenMetric World University Rankings рейтингтік агенттігінің жұмысына қатысып келеді (оны 2010 жылы Индонезия университеті құрған болатын).

UI GreenMetric World University Rankings бүкіл әлем бойынша университеттерді алты санат бойынша саралайды:

- университеттің ыңғайлы инфрақұрылымы;

- университет кампусында энергияны үнемдейтін және суды үнемдейтін технологияларды қолдану;

- университеттегі қоқысты қайта өңдеу және суды сақтау бағдарламалары;

- университет кампусына баратын ыңғайлы көлік маршруттары,

- көмірқышқыл газы мен зиянды бөлшектердің шығарындыларын азайту;

- университеттің білім беру бағдарламаларында экологиялық білім беру.

Бұл рейтингтің мақсаты – бүкіл әлем бойынша университеттердегі жасыл кампус пен тұрақтылыққа қатысты ағымдағы жағдай мен саясатты бағалау. Сондай-ақ бұл мекеменің экологиялық таза және тұрақты стратегиялар мен бағдарламаларды жүзеге асыруға күш салуын көрсетеді.

Жалпы алғанда, рейтинг экологиялық тұрақтылық тұжырымдамасын қолданады, оған экологиялық, экономикалық және әлеуметтік секілді үш элемент кіреді.

Экологиялық аспект табиғи ресурстарды пайдалануды, қоршаған ортаны басқаруды және ластанудың алдын алуды білдіреді, ал экономикалық аспектіге шығындарды үнемдеу және пайда табу жатады. Әлеуметтік аспект білім беруді, қоғамдастықты және әлеуметтік қатысуды қамтиды.

Университет қызметін бағалау алты көрсеткіш бойынша іске асырылады: қоршаған орта және инфрақұрылым, энергия және климаттың өзгеруі, қалдықтар, су, көлік, білім беру және зерттеу. Рейтингке қатысу үшін университеттер өздерінің жоғары оқу орындары туралы сандық деректерді ұсынып қана қоймайды, сонымен қатар бұл ақпаратты реттеуші құжаттарға, өкім көшірмелеріне, БАҚ жаңалықтарына, фотосуреттерге және т. б. сілтеме жасай отырып растауы қажет.

2022 жылы ҚазҰАЗУ GreenMetric халықаралық рейтинг агенттігінің жалпы рейтингінде 552 орынға ие болды,

Біріккен Ұлттар Ұйымының Академиялық ықпал ету бағдарламасы (UNAI)

Біріккен Ұлттар Ұйымының Академиялық ықпал етуі (UNAI) — бұл жоғары оқу орындары Біріккен Ұлттар Ұйымымен (БҰҰ) бірлесе отырып, Ұйымның мақсаттары мен принциптерін қолдауға және іске асыруға, соның ішінде адам құқықтарын көтермелеу мен қорғауға, білімге қол жеткізуге, тұрақты даму мақсаттарына және біздің жершарымыздағы қақтығыстарды шешуге қатысатын бастама.

UNAI бағдарламасын БҰҰ Бас хатшысы 2010 жылдың 18 қарашасында жаһандық академиялық қоғамдастықтарды, әсіресе, әлемдегі университеттер мен жоғары оқу орындарын Біріккен Ұлттар Ұйымымен (БҰҰ) біріктіру үшін ресми түрде іске қосты. Бұл зияткерлік әлеуметтік жауапкершіліктің жалпы мәдениеті аясындағы шаралар мен зерттеулер арқылы БҰҰ мақсаты мен мандатын іске асыруға көрсетілген көмек. UNAI 2012 жылы БҰҰ Бас хатшысы ұсынған ««Білім беру - ең алдымен» жаһандық бастамасының (GEFI) серіктесі болды және келесі негізгі мақсаттардан тұрады: жалпыға бірдей бастауыш білімге қол жеткізу, білім беру сапасын арттыру және жаһандық азаматтықты тәрбиелеу.

Бүгінгі таңда UNAI 100-ден астам елде - 950-ден астам академиялық институттардың және 40-қа жуық академиялық желілердің барымен мақтанады. Қазақ ұлттық аграрлық зерттеу университеті (Қазұазу) 2016 жылдан бастап UNAI мүшесі болып табылады.

21 ғасырда UNAI жұмысы Білім министрлерінің, университет ректорларының және басқа да академиялық сарапшылардың назарын - жаһандық тұрақты бейбітшілік пен дамуға қол жеткізу мақсатында жоғары білім деңгейінде жаһандық азаматтықты тәрбиелеудің аса маңыздылығына көңіл аударуға бағытталған.

ҚазҰАЗУ-дағы UNAI орталығы БҰҰ агенттіктерімен және бүкіл әлемдегі университеттермен келесі бағыттар бойынша серіктестікті нығайту бойынша жұмыс істейді:

- Біріккен Ұлттар Ұйымы мен әлемдік академиялық қоғамдастық арасындағы әріптестікті дамыту

- Біріккен Ұлттар Ұйымының процесіне белсенді қатысу арқылы ЮНАИ-ға мүше университет студенттерін және әртүрлі академиялық мекемелердің көрнекті ғалымдарын жұмылдыру, сондай-ақ «жасыл кампус» бағдарламасын жүзеге асыру;

- халықаралық бейбітшілік пен қауіпсіздікті нығайту, жанжалдарды шешу жөніндегі гранттық бағдарламалар мен бастамаларға қатысу;

- мәдениетаралық диалог және әлемдегі төзімсіздік пен зорлық-зомбылық экстремизмімен татуласу;

- ҚазҰАЗУ жанындағы «Халықаралық Жасыл және Тұрақты Даму Институты»-мен бірлесіп, 2030 жылдан кейінгі кезеңге даму саласындағы күн тәртібін іске асыру және бағалау процесіне белсенді қатысу арқылы мүше университеттер мен академиялық мекемелердің жаһандық желісін жұмылдыру бойынша жұмыс істеу.

- жаһандық азаматтық саласындағы білім беруді ілгерілету: а) бастауыш, орта және жоғары оқу орындарында ЮНЕСКО және GEFI-мен тығыз ынтымақтастықта пайдаланылатын халықаралық деңгейде қолданылатын стандартталған оқу бағдарламалары мен жаһандық азаматтықты оқытудың педагогикалық әдістемелерін әзірлеу және ұсыну. б) халықаралық жастарды көтермелеу және қолдау арқылы Aspire UNAI (студенттердің білім беру арқылы инновациялар мен реформаларды ілгерілету әрекеттері) және YAG gefi (жастарды қорғау тобы) сияқты топтар жаһандық азаматтықты қалыптастыру мақсатында бастауыш, орта және жоғары оқу орындарының оқушылары үшін аймақтық немесе жаһандық деңгейде бірлескен жобаларды жеделдету және іске қосу. в) жоғарыда сипатталған жаһандық азаматтыққа тәрбиелеудің екі міндетін іске асыру мақсатында халықаралық орталық құру мүмкіндігін пысықтау.

Жасыл кампус ҚазҰАЗУ климаттық іс-әрекеттері жоспары

Жасыл кампус – Қазақ ұлттық аграрлық зерттеу университетінің (ҚазҰАЗУ) студенттері мен оқытушыларын орнықты даму мәселелеріне байланысты жоспарлар мен жобаларды іске асыруға жұмылдыру жөніндегі бағдарлама. Сонымен қатар бағдарлама қатысушылары «Біріккен ұлттар ұйымының академиялық ықпалы бағдарламасы» (UNAI) мен университет кампусының орнықты даму қағидаттарын іске асырумен де айналысады. Жасыл кампус – ҚазҰАЗУ-дың орнықты даму мақсаттарын (ОДМ) іске асыруға жәрдем беру, жасыл экономика және климаттың өзгеруімен күрес бойынша іс-қимылдар жөніндегі жаһандық бағдарлама идеяларын ілгерілетудің жол картасы.

Біз бүгін өзгерістер енгіземіз!

ҚазҰАЗУ-дың климаттың өзгеруіне қатысты іс-қимылдар жоспарында қоғамдастықтың әрбір мүшесінің ОДМ-на қол жеткізуде өзіне тиесілі рөлді атқаруы көзделеді. «Жасыл кампус» тұжырымдамасын іске асыру – әрбір адамға студенттік өмірді Қазақстанның өзге университеттеріне «жасыл кампусты» дамытудағы үлгі боларлықтай дәрежеде барынша салауатты түрде дамытудың инновациялық амал-тәсілдерін ендіру арқылы ҚазҰАЗУ-дың орнықты кампусын жасауға өз үлесін қосу үшін берілген мүмкіндіктердің бірі. Жобалар.

Ағаш өсір, гүл өсір!

ҚазҰАЗУ жасыл кампусы тұжырымдамасында әрбір студент пен әрбір оқытушының жыл сайын университеттің кампусы мен одан тысқары жерлерде ағаштар мен гүлдер отырғызуға міндетті болып табылатыны және осы міндетті орындай алатыны көзделеді! Университет өз кампусын көріктендіріп, өзге қоғамдастықтар мен халықаралық компанияларды көгалдандыру үдерісіне тарту үшін қосымша гүлдер мен ағаштар егуді жоспарлап отыр.

Қайта пайдалану және қайта өңдеу!

Біз барлық студенттер мен оқытушыларды керексіз болып қалған заттарды, атап айтқанда, пластик шөлмектерді, қағазды, электр батареяларын, ескі ұялы телефондарды, жиһаздар мен құрал-жабдықтарды және тағы басқа нәрселерді қайта өңдеуге немесе қайта пайдалануға шақырамыз. ҚазҰАЗУ кампусының бүкіл аумағында осы заттарды жинауға арналған тиісті жәшіктер орнатылады.

Жаяу немесе велосипедпен не электр-скутермен жүріңіз!

Біз барлық студенттер мен оқытушыларды университет қалашығына дейін жаяу және / немесе велосипедпен / скутермен жүріп келуге шақырамыз! ҚазҰАЗУ велосипедтерге арналған қауіпсіз әрі сенімді тұрақтар жасауды жоспарлайды, барлықтарыңызды салауатты өмір салтына көшу, спортпен шұғылдануға бейімделу арқылы ауаға шығарылатын көміртек көлемін азайтып, климат өзгеруіне қарсы біздің күресімізге өз үлестеріңізді қосуға шақырады!

Орнықты даму мақсаттарын (ОДМ) басқару үшін еріктілер қатарына қосылыңыз!

Біз барлық студенттер мен оқытушыларды еріктілер ретінде «Біріккен ұлттар ұйымының академиялық ықпалы бағдарламасы» (UNAI) іс-шаралары мен науқандарына, сонымен қатар жергілікті ҮЕҰ, университеттер, халықаралық серіктестер, БҰҰ агенттіктері және басқа да мүдделі тараптар бастаған өзге де еріктілер іс-шараларына қатысуға шақырамыз.

Суды пайдалану көлемін азайтыңыз және жылуды бекер шығындамаңыз!

Біз су және энергетикалық ресурстарды пайдалануды тиімді түрде жүзеге асырып, өзіміз өмір сүретін кеңістікті барынша қолайлы әрі тиімді ету үшін жұмыс ортамыздағы жағдайды жақсартуға талпыныс жасап, техникалық қызмет көрсетуге уақтылы сұраныс беру арқылы суды үнемді түрде тұтына аламыз.

Электр қуатын тұтынуды қысқартыңыз!

Біз барлық адамдарды электр жарығын, құрал-жабдықтарын және электроника құралдарын пайдаланбаған кезде сөндіріп қоюға шақырамыз! Әсіресе мұның түнгі уақытта және демалыс күндері мен үзілістер кезінде маңызы зор! Өзіңіздің жақын жолдастарыңыздың, әріптетеріңіздің және жалпы қоғам арасында электр қуатын пайдалануды үнемдеп пайдалануды насихаттау – осы жұмыстың маңызды бөлігі!

Көпжолғы шөлмектерді қолданып, пластик шөлмектерді қолдануды азайтыңыз!

Біз барлық студенттер мен оқытушыларды өздерінің суға арналған шөлмектері мен басқа да ыдыстарын кампустағы сүзілген су стансаларынан толтырып, ол үшін көпжолғы қолдануға арналған шөлмектерді пайдаланып, біржолғы пластик шөлмектер мен басқа да ыдыс-аяқтарды пайдаланудан бас тартуға немесе оларды пайдалануды азайтуға шақырамыз!

Даму және өзін-өзі дамыту: ОДМ бойынша курстар мен тренингтер

Біз ҚазҰАЗУ веб-сайтында орнықты даму мақсаттары мен қағидаттарын насихаттаймыз, яғни ОДМ бойынша өткізілетін тренингтер жөніндегі нұсқаулықтарды жүйелі түрде орналастырып тұрамыз. Сонымен қатар біз қоршаған орта және климаттың өзгеруі жөніндегі зерттеулер туралы қосымша ақпарат алу үшін әлеуметтік желілер мен оқиғалар күнтізбесін де қолдануды жоспарлап отырмыз.

Салауатты өмір салтының тұрақты әдеттері мен дағдыларын қалыптастырыңыз!

Біз студенттер мен оқытушылар «жасыл апта» міндеттемелерін өз мойнына алатыны идеяны насихаттаймыз! Бұл дегеніміз: олар аймақты көгалдандыру іс-шараларына қатысып, климаттың өзгеруімен күресу жөніндегі іс-қимылдар жоспарын іске асыратынын, өз өмір салтына қандай өзгерістер енгізу қажеттігіне қатысты ой-тұжырымдарды зерттеп, үйренетінін білдіреді. Университетіміздің қоршаған ортаға тигізетін теріс әсерін азайтуға көмектесу үшін «Жасыл кампус» сіздің нені білуіңіз қажеттігі, не ішіп-жейтініңіз және қандай іс-әрекеттер жасай алатыныңыз туралы ақпаратты насихаттайды!

Досыңды ертіп кел: «Green campus» жобасы туралы айтып бер!

Біз «Жасыл кампус» және «Климаттың өзгеруімен күресу жоспарын» әзірлеп, кампус аумағында орнықты даму бағытында іс-шаралар ұйымдастырамыз және бастамалар көтереміз. Біз «Green campus» жобасы туралы плакаттар, PowerPoint таныстырылымдар, әлеуметтік желілер және үнпарақтар көмегімен оқиғалар туралы ақпарат тарату ісін ынталандырамыз.