Виза-хаттамалық процестер

Университеттің Халықаралық кеңсесі келесі қызмет түрлерін үйлестіреді:

Жақын және алыс шетелдермен халықаралық байланыстар бойынша жұмысты ұйымдастыру (визалық қолдау, шетелдік азаматтардың Қазақстан Республикасында тұруын уақытша тіркеу, хаттамалар, бағдарламалар), сондай-ақ шетелдік білім алушыларды оқыту.
шетелдік студенттерді, ғалымдар мен оқытушыларды университетке шақыру және қабылдау, олардың жұмысын/оқуын және Қазақстан Республикасында тұруын қамтамасыз етуді үйлестіру
ҚР қолданыстағы талаптары мен ережелеріне (паспорттар, визалар және т.б.) сәйкес шетел азаматтарының кіру-шығу құжаттарын ресімдеу
факультеттермен бірлесе отырып халықаралық делегациялардың ресми қабылдауларын ұйымдастыру және қамтамасыз ету;
Университетте шетелдік студенттердің болуын ұйымдастырушылық қамтамасыз ету.
шетелдік азаматтарға Қазақстан Республикасының – Білім беру саласындағы заңнамасын, «Шетел азаматтарының құқықтық жағдайы туралы» ҚР-ның Заңын, университеттің ішкі тәртіп ережелерін түсіндіру;
шетелдік делегация қабылдауларын ұйымдастыру және университет басшылығының іскерлік кездесулерін, келіссөздерін және хаттамалық іс-шараларын өткізу.

Мемлекеттік шекарадан өткеннен кейін шетел азаматтары визасыз режім бойынша Қазақстан Республикасының аумағына кірген сәттен бастап күнтізбелік 3 күн ішінде (демалыс және мереке күндерін ескере отырып) және ҚазҰАЗУ студенттері ресімделген оқу визасымен Алматы қаласының аудандық көші-қон қызметінің органдарына олардың келгендері туралы ақпаратты хабарлау үшін Халықаралық кеңсеге келуге тиіс. Қысқы және жазғы демалыстан кейін Алматыға оралғаннан соң студент қайтадан көші-қон есебіне қою рәсімінен өтуі тиіс.

Шетелдік азаматтарға оқу (еңбек) визасы басталғанға дейін Қазақстан Республикасына кіруге тыйым салынады. Басқа визамен (туристік, жеке және т.б.) кірген кезде шетел азаматтары оқу (еңбек) визасы берілген күнге дейін шығып, ол басталған күні немесе одан кейін келуі керек.

Әрбір шетелдік азамат тіркелген мекенжайы бойынша тұруы керек. Тұрғылықты мекенжайы мен тіркеу кезінде көрсетілген мекенжайдың сәйкес келмеуі көші-қон заңнамасын бұзу болып табылады.

Тұрғылықты жерін ауыстырған кезде шетелдік азамат жаңа мекенжай бойынша көшкенге дейін Халықаралық кеңсеге мынадай құжаттарды ұсынуы қажет:

- төлқұжаттар мен визалар және олардың көшірмелері;

- пәтер иесінің нотариалды куәландырылған келісімі немесе университет жатақханасынан анықтама (уақытша тұратын жері бойынша).

Байланыс ақпаратының, мәртебесінің өзгеруіне (уақытша тұруға рұқсат алу, тұруға ықтиярхат, ҚР азаматтығы) қатысты барлық өзгерістер туралы студенттер Халықаралық кеңсе қызметкерлерін уақтылы хабардар етуі тиіс.

Шетелдік студенттердің ҚР аумағында еңбек қызметін жүзеге асыруға құқығы жоқ. ҚР Әкімшілік құқық бұзушылық туралы Кодексіне сәйкес, шетелдік азаматтың Көші-қон есебіне қою туралы уақтылы жүгінбеуі әкімшілік құқық бұзушылық болып табылады және айыппұл салынады, тіпті соңғы шараға - елден депортациялауға дейін барады.

Құжаттар жоғалған жағдайда Халықаралық кеңсе қызметкерлеріне дереу хабарлауды сұраймыз.

Осы нұсқаулық ҚР Үкіметінің 2000.01.28 жылғы № 136 қаулысымен бекітілген Шетел азаматтарының Қазақстан Республикасына (ҚР) келу және болу, сондай-ақ олардың Қазақстан Республикасынан кету қағидалары негізінде әзірленді.

Шетелдіктердің келу, болу және кету қағидалары

ҚР визаларын беру, сондай-ақ олардың қолданылу мерзімін ұзарту және қысқарту қағидалары

Қазақстандағы шетелдік елшіліктер мен консулдықтар

Қазақстан Республикасының шетелдегі елшіліктері мен консулдықтары

Білім беру саласындағы ресми үкіметтік келісімдердің тізімі

Шетел азаматтарын оқуға қабылдау

ҚазҰАЗУ-не шетел азаматтары Қазақстан Республикасының жоғары оқу орындарына қабылдаудың үлгілік қағидалары негізінде қабылданады (Қазақстан Республикасы Білім және ғылым министрінің 2018 жылғы 31 қазандағы № 600 бұйрығымен бекітілген Жоғары және жоғары оқу орнынан кейiнгi бiлiмнің бiлiм беру бағдарламаларын iске асыратын бiлiм беру ұйымдарына оқуға қабылдаудың үлгілік қағидаларының 2-тарауының 7-тармағы).

Университетке шетел азаматтарын қабылдау келісім-шарт негізінде оқудың барлық нысандары бойынша жүзеге асырылады.

Шетел азаматтарын ақылы негізде оқуға қабылдау университеттің қабылдау комиссиясы өткізетін әңгімелесу нәтижелері бойынша жүзеге асырылады (шетелдік білім беру ұйымдары берген білімі туралы құжаттар заңнамада белгіленген тәртіппен танылады немесе нострификацияланады).

Шетел азаматтарын оқыту қазақ, орыс немесе ағылшын тілдерінде жүргізіледі.

Оқуға түсу үшін талапкерге қажет:

Ауызша әңгімелесуден өту.
Қабылдау комиссиясына құжаттардың түпнұсқасын ұсыну. Оқуға түсуге өтініштер мен құжаттар 2023 жылдың 1 маусымынан 25 тамызына дейін қабылданады.

Оқуға түсу үшін қажетті құжаттар тізімі

Паспорттың қазақ немесе орыс тілдеріне аудармасы бар нотариалды расталған (Қазақстан Республикасының нотариусы) көшірмесі.
Жалпы білім беретін мектепті/колледжді/жоғары оқу орнын бітіргені туралы аттестаттың/дипломның түпнұсқасы, өткен пәндер, бағалары және т.б. көрсетілген білім туралы аттестатқа/дипломға (транскрипт) қосымша
- Бакалавриат (ВЅс / BA) – толық орта білім туралы куәлік.
- Магистратура (МЅс/MA) – бакалавр дипломы.
- PhD докторантура – магистр дипломы.
Жалпы білім беретін мектепті/колледжді, ЖОО бітіргені туралы аттестаттың/дипломның нотариалды куәландырылған және апостильденген аудармасы, аттестатқа/дипломға қосымша.
Инфекциялық аурулардың жоқтығы туралы медициналық анықтамалар: АИТВ-инфекциясының жоқтығы туралы анықтама, ФГ, безгек, И/г.
075-У нысанындағы медициналық анықтама. Анықтамалар Қазақстанға келгеннен кейін, тиісті медициналық тексеруден өткеннен кейін беріледі. Қабылдау комиссиясына флюорографияның суретін ұсыну қажет;
3×4 дана 6 фотосурет;
Өткен әңгімелесудің хаттамасы.
Білім беру қызметтерін ұсынуға шарт жасасу (2 дана)
ЖОО шотына жалпы оқу ақысының 50% мөлшерінде жарна төлеу.
Визалық жарнаны төлеу (Халықаралық кеңсе, 36-кабинет, Абай, 8).
Визалық сауалнаманы толтыру (Халықаралық кеңсе, 36-бөлме, Абай, 8).