АБАЙ ҚҰНАНБАЙҰЛЫНЫҢ 180 ЖЫЛДЫҒЫНА АРНАЛҒАН 10 КҮНДІК МЕРЕКЕСІ БАСТАЛДЫ
Бүгін Семей қаласындағы «Арена» мәдени-спорт кешенінде адамзаттың ардақты перзенті, ақыл-ойдың көмбесі, «Адамзаттың алыбы – Хәкім Абай» атты 180 жылдық мерейтойдың салтанатты ашылу рәсімі болып өтті.
Онкүндік Мұхтар Әуезов атындағы педагогикалық колледждің «Ес-Аймақ» рухани орталығында «Abai akademiasy» атты энциклопедиялық порталдың тұсаукесерінен басталды.
Сондай-ақ, кемеңгер тұлға – Абай Құнанбайұлының мұрасын дәріптеуге бағытталған түрлі мәдени-рухани шаралар, ғылыми-практикалық конференциялар, поэзия кештері, театрландырылған қойылымдар, кітап көрмелері, Абай оқулары, жас ақындар мүшәйрасы мен «Адамзаттың Абайы» атты ақындары айтысы жоспарланған.
Семейдің Арбат алаңында танымал иллюстратор, суретші Аңсаған Мұстафаның «Көңілге түрлі ой салар» көрмесі жұрт назарына ұсынылған. Экспозиция қала тұрғындары мен қонақтарына эстетикалық әсер сыйлап, той көркіне көрік қосты.
Бұдан соң «Аспан Синема» жобасы аясында Абай туралы фильмдердің көрсетілімі жүріліп, «Арена» мәдени-спорт кешенінде «Адамзаттың алыбы – хакім Абай» атты мерейтойлық гала-концертке ұласты.
Барша адамзатты рухани жаңару жолына бастаған Ұлы Абай тойы құтты болсын!
KazNARU Баспасөз қызметі
