KazNARU-ға ҚОШ КЕЛДІҢ, СТУДЕНТ...!
Жаңа оқу жылы қарсаңында Қазақ ұлттық аграрлық зерттеу университетінің жатақханаларына студенттерді орналастыру жүріп жатыр.
KazNARU – өз студенттерін 100 пайыз жатақханамен қамтамасыз еткен Алматыдағы жалғыз университет. Мұнда жатақханаға орналастыру бойынша Ситуациялық орталық жұмыс істейді және онда онлайн өтініш беруге де мүмкіндік жасалған.
Жатақханалар ағымдағы жөндеуден өткізіліп, тұрғын бөлмелер, ас үйлер мен дәліздер, тазалық орындары жаңаша дизайнмен өрнектелген, қажетті жиһаздар, мұздатқыштар, кір жуғыш машиналары мен газ плиткалары қойылған. Студенттердің тұруына қажетті – интернеттің қолжетімділігі мен сапасы, оқу бөлмелері, кітапханалар, асханалар мен ортақ пайдаланылатын орындар талаптарға сай жасалған. Санитарлық және қауіпсіздік шаралары да сақталған.
Еске сала кетейік, Университеттің Басқарма төрағасы – Ректоры Күрішбаев Ақылбек Қажығұлұлының бастамасымен «Қазақ-Строй» ЖШС-мен ынтымақтастық шарт негізінде 9 қабатты 450 орындық жаңа жатақхана құрылысы да аятқалуға жақын. Студенттер үшін арнайы Медициналық орталық бой көтермек. Мұндай заманауи жаңа жатақхана соңғы 30 жылда алғаш рет тұрғызылып отыр.
Студенттер үшін осындай қолайлы орта қалыптастырып, алаңсыз оқуына және сапалы білім алуына толықтай жағдай жасаған университет басшылығына жастардың ризашылығы шексіз.
KazNARU Баспасөз қызметі