ӨНДІРІСПЕН БАЙЛАНЫСА ОТЫРЫП САПАЛЫ БІЛІМ БЕРУДІҢ КӨРІНІСІ

2025 жылдың 7 қазанында «Қазақ ұлттық аграрлық зерттеу университеті» КеАҚ-ның Практика және жұмысқа орналастыру бөлімі мен Алматы қалалық мансап орталығының бірлесіп ұйымдастыруымен 4 курс студенттері халықаралық логистикалық алпауыт — ZAMMLER компаниясына өндірістік сапармен барды!

18 жылдан астам тәжірибесі бар ZAMMLER – логистика мен көліктік технологиялар саласындағы жетекші халықаралық компаниялардың бірі.

Бұл шараға көлік және логистика саласының болашақ мамандары, яғни келесі білім беру бағдарламаларының студенттері:

6B07104–Көлік, көліктік техникасы және технологиялар

6B11301 – Көлікті пайдалану және жүк қозғалысы мен тасымалдауды ұйымдастыру

6B11302 – Логистика

«Инженерлік технологиялар» факультетінің деканы Л. Алдибаева, И.В. Сахаров атындағы «Көлік техникасы және технологиялары» кафедрасының меңгерушісі И. Базанова, кафедра оқытушылары және «Практика және жұмысқа орналастыру» бөлімінің жетекші маманы Б. Әділхан қатысты.

Студенттер өндірістік процестермен танысып, теориялық білімдерін нақты ортада қолдану жолдарын көріп, өз салаларына деген қызығушылықтарын арттырды.

Сонымен қатар, дуальды оқыту, өндірістік практика және қонақ дәрістер (гостевой лекция) бойынша алдағы бірлескен жобалар жайлы келіссөздер жүргізілді.

Логистика және көлік саласы бойынша кәсіби бағыт таңдаған студенттер үшін бұл экскурсия — құнды тәжірибе, нақты өндіріспен танысу және болашақ мансапқа мотивация болды!