KazNARU мен Чжэцзян технологиялық университеті «Жасанды интеллект» атты қос дипломды білім беру бағдарламасын іске қост

Қазақ ұлттық аграрлық зерттеу университеті (KazNARU) халықаралық ынтымақтастық аясын кеңейтіп, цифрлық технологиялар саласында студенттер үшін жаңа мүмкіндіктер ашуда.  Қытайдың Ханчжоу қаласында орналасқан Чжэцзян технологиялық университетімен (Zhejiang University of Technology, ZJUT) бірлесіп, бакалавриат деңгейіндегі «Жасанды интеллект» қос дипломды білім беру бағдарламасы іске қосылды. 

Бағдарлама «2+2» форматында жүзеге асырылады: 

- алғашқы екі жыл – Қазақстанда, KazNARU базасында оқытылады; 

- келесі екі жыл – Қытайда, ZJUT кампусында жалғасады. 

Бағдарламаны аяқтаған түлектер екі диплом — KazNARU және ZJUT дипломдарын алады. Бұл өз кезегінде кәсіби даму мен халықаралық деңгейде мансап жасауға кең мүмкіндік береді.  Қытайда оқу барысында студенттер жетекші IT-компаниялар мен ғылыми-зерттеу орталықтарында тағылымдамадан өтіп, заманауи технологиялармен және жасанды интеллект саласындағы инновациялық жобалармен жұмыс істеу мүмкіндігіне ие болады. 

Сонымен қатар, қатысушылар төмендегі бағыттар бойынша жазғы мектептер мен арнайы микро-курстарға қатыса алады: 

• жасанды интеллект және деректерді талдау; 

• төмен биіктіктегі технологиялар мен инжиниринг; 

• интеллектуалды энергетика және инновациялар. 

Курстарды аяқтаған соң халықаралық сертификаттар беріледі. 

Бағдарламаның басты мақсаты — математика, компьютерлік ғылымдар және жасанды интеллект саласында терең білімге ие жаңа буынның жоғары білікті мамандарын даярлау. Студенттер практикалық дағдыларын жетілдіріп, инновациялық ойлау қабілеттерін дамыта отырып, өз саласы бойынша ғылыми зерттеулер жүргізуге, халықаралық жобалар мен байқауларға қатысуға мүмкіндік алады. 

«Бұл әріптестік қазақстандық студенттер үшін жаңа көкжиектер ашады — озық білімге, технологияларға және әлемдік академиялық тәжірибеге қол жеткізуге жол ашады», — деп атап өтті KazNARU өкілдері.