«ЖЕМҚОРЛЫҚСЫЗ ӘЛЕМГЕ БІРГЕ ҚАДАМ БАСАЙЫҚ» ФАКУЛЬТЕТАРАЛЫҚ БАЙҚАУЫ

9 желтоқсан – Халықаралық жемқорлыққа қарсы күрес күніне орай Қазақ ұлттық аграрлық зерттеу университетінің Жастар ісі жөніндегі басқармасы «Жемқорлықсыз әлемге бірге қадам басайық» атты факультетаралық байқау ұйымдастырды.

Байқаудың мақсаты – жастар арасында сыбайлас жемқорлыққа қарсы мәдениетті қалыптастыру, әділдік пен адалдық құндылықтарын насихаттау, құқықтық сананы арттыру және азаматтық белсенділікті қолдау.

Қазылар алқасын «Harmony» психологиялық қолдау қызметінің жетекшісі Кольбаева Динара Достаевна, психолог Мыңбай Әлішер Бекболұлы және студенттік омбудсмен Күзен Назерке Бексейтқызы басқарды.

Барлық кезеңдер тартысты өтіп, студенттер өз білімін, ой-өрісін және шығармашылық қабілеттерін жоғары деңгейде көрсетті.

Байқау қорытындысында I орынды «Бизнес және құқық» жоғары мектебі, II орынды «Инженерлік технологиялар» факультеті, ал III орынды «Орман шаруашылығы және жер ресурстары» факультеті иеленді.

Барлық қатысушыларға алғыс білдіре отырып, әділдік пен адалдықты өмірлік ұстанымға айналдырып, жемқорлықсыз жарқын болашақты бірге қалыптастыруға шақырамыз.

KazNARU Баспасөз қызметі