KazNARU мен Наманган мемлекеттік техникалық университеті арасындағы халықаралық академиялық кездесу

Қазақ ұлттық аграрлық зерттеу университетінің қабырғасында екіжақты халықаралық ынтымақтастықты дамыту аясында Наманган мемлекеттік техникалық университетінің профессор-оқытушылар құрамымен мазмұнды әрі жылы кездесу өтті. Атап айтқанда, кездесуге Наманган мемлекеттік техникалық университетінің «Техникалық машиналар және жабдықтар» кафедрасының профессор-оқытушылары — Исмаилов Н., Мирзакаримов М., Сраждинов И., Хамидов С., Абдусаттаров Б., Дедаханов А. қатысты.

2025 жылғы 25 желтоқсанда өткен бұл сапар ғылыми-білім беру байланыстарын нығайту, озық академиялық тәжірибе алмасу және бірлескен ғылыми-білім беру бастамаларын іске асыру перспективаларын талқылау жолындағы маңызды қадам болды.

Кездесуге «Инженерлік технологиялар» факультетінің өкілдері белсенді қатысты. Аталған факультет құрамына И.В. Сахаров атындағы «Көлік техникасы және технологиясы» кафедрасы кіреді.

Аталған кафедра атынан кездесуге:

• Базанова И. А. — кафедра меңгерушісі,

• профессор Серікбаев А. У.,

• профессор Әбділдин Н. К.,

• аға оқытушы Идрисов Қ. М.,

• аға оқытушы Қасымова Р. М. қатысты.

Кездесу барысында тараптар академиялық ұтқырлық, бірлескен ғылыми жобалар, білім беру бағдарламаларын дамыту және халықаралық серіктестікті кеңейту мәселелерін талқылады.

Мұндай кездесулер академиялық серіктестіктің жаңа көкжиектерін ашып, ғылымның дамуына ықпал етеді әрі жоғары білім беру саласындағы халықаралық ынтымақтастықты нығайтады.