Мемлекеттік білім беру тапсырысы бойынша білім алған бітіруші түлектермен кездесу ұйымдастырылды

Инженерлік технология және Агробиология факультеттерінің 4-курс студенттерімен факультет декандары мен «Практика және жұмысқа орналастыру» бөлімінің қатысуымен кездесу ұйымдастырылды.
Кездесудің негізгі мақсаты – мемлекеттік білім беру гранты негізінде оқыған түлектердің міндетті еңбекпен өтеу тәртібі, жұмысқа орналасу талаптары мен заңнамалық нормалар бойынша түсіндіру жұмыстарын жүргізу.
Кездесу барысында келесі мәселелер қаралды:
✅мемлекеттік грантты міндетті еңбекпен өтеу тәртібі;
✅жұмысқа орналасу мерзімдері мен қойылатын талаптар;
✅еңбек өтеу орындарын таңдау мүмкіндіктері;
✅заңнамалық жауапкершілік және қарастырылған жеңілдіктер.
Кездесу барысында студенттер өздерін қызықтырған сұрақтарын қойып, сала мамандарынан нақты әрі толық жауап алды. Ашық форматта өткен кездесу пайдалы ақпарат алмасу алаңына айналды.