BIRLIK FEST – БІРЛІК ПЕН ДОСТЫҚ МЕРЕКЕСІ

Бүгін Бизнес және құқық жоғары мектебінде түрікмен және қазақ студенттерінің қатысуымен «Birlik Fest – Достық көпірі» тақырыбында мазмұнды әрі жоғары деңгейдегі мәдени-танымдық іс-шара өтті.

Іс-шараның басты мақсаты — екі ел студенттері арасындағы достық қарым-қатынасты нығайту, Түрікмен елінен келген студенттерге Қазақстанды және факультетті жақынырақ таныстыру, олардың университет өміріне бейімделуіне қолдау көрсету, сондай-ақ бос уақытын мазмұнды әрі қызықты өткізу болды.

Шара барысында қатысушылар екі елдің ұлттық тағамдарымен танысып, ұлттық киімдердің ерекшелігін көріп, қазақ пен түрікмен халықтарының тарихы мен заманауи дамуы туралы құнды мағлұмат алды. Бұл өзара мәдени түсіністікті арттырып, рухани жақындасуға үлкен үлес қосты.

Сонымен қатар, Қазақстанға бейімделу кезеңінде жүрген барлық түрікмен студенттері бір ортада бас қосып, бір-бірімен жақын танысуға мүмкіндік алды. Өнерлі жастар өз қабілеттерін көрсетіп, сахнада еркін жарқырады.

Бүгін әрбір қатысушы бұл күннің жай ғана іс-шара емес, нағыз достықтың, бірліктің және жылылықтың күні екенін сезінді. Шара студенттерге де, оқытушыларға да ерекше әсер қалдырды.

Birlik Fest — мәдениеттерді жалғайтын, жүректерді жақындататын көпір.