KazNARU ЖӘНЕ «ЭЛТЕКС АЛАТАУ» ЖШС ӨНДІРІСТІК БАЙЛАНЫСТАРДЫ НЫҒАЙТУ БАРЫСЫНДА КӨШПЕЛІ ПРАКТИКАЛЫҚ САБАҚ ӨТКІЗДІ

✅ Практикаға бағытталған оқытуды жүзеге асыру және өндірістік кәсіпорындармен ынтымақтастықты дамыту мақсатында «IT-технологиялар» кафедрасы «Элтекс Алатау» ЖШС  — отандық телекоммуникациялық жабдық өндірушісі базасында көшпелі практикалық сабақ ұйымдастырды
💾 Іс-шараға «Ақпараттық жүйелер», «Есептеу техникасы және бағдарламалық қамтамасыз ету», «Автоматтандыру және басқару» білім беру бағдарламаларының студенттері, «IT-технологиялар» кафедрасының меңгерушісі Ж. Алишева, оқытушылар Б. Дильмагамбетова мен С. Оспанов, сондай-ақ тәжірибе және жұмысқа орналастыру бөлімінің өкілі Б. Әділхан қатысты.
🗜️ Сабақ барысында студенттер электрондық бұйымдарды келісімшарт негізінде өндірудің толық циклімен танысты, оның ішінде SMD-монтаждау, дәнекерлеу, автоматты оптикалық бақылау (AOI) және баспа платаларын тестілеу үдерістері болды. Кәсіпорын мамандары өндірістік процесті ұйымдастыру, қолданылатын технологиялар, мамандарға қойылатын талаптар және өзекті кәсіби құзыреттер туралы ақпарат ұсынды.
🧩 «Желілерді әкімшілендіру» және «Компьютерлік жүйелер архитектурасы» пәндері бойынша өткізілген практикалық сабақ студенттердің есептеу жүйелерін жобалау мен нақты телекоммуникациялық жабдық өндірісі арасындағы өзара байланысты толық түсінуіне мүмкіндік берді. Кездесу қорытындысы бойынша тараптар өндірістік практиканы ұйымдастыру, дуальды оқыту элементтерін жүзеге асыру және түлектерді жұмысқа орналастыру бағытында ынтымақтастықты одан әрі дамытуға мүдделі екендіктерін білдірді.