KazNARU МЕН ДІН ІСТЕРІ БАСҚАРМАСЫ СТУДЕНТТЕРМЕН БІРЛЕСКЕН КЕЗДЕСУ ӨТКІЗДІ
Ветеринария және Зооинженерия факультетінде Қазақ ұлттық аграрлық зерттеу университетінің Жастар ісі жөніндегі басқармасы Алматы қаласы Дін істері басқармасымен бірлесіп ұйымдастырған студенттермен ақпараттық-танымдық кездесуі өтті.
Іс-шараның арнайы қонағы — аталған басқарманың бас маманы Мейрамбаев Мирас Алмасұлы студенттерге діни экстремизм мен терроризмнің табиғаты, таралу жолдары және олардан қорғану жолдары туралы кешенді түсіндірме берді.
Кездесу ашық диалог форматында өтіп, студенттер өздерін толғандырған сұрақтарды еш тосқауылсыз қоя алды. Талқылау барысында экстремистік идеологияның жастар арасына енуінің алдын алу, онлайн-кеңістіктегі деструктивті мазмұнды тану және дұрыс азаматтық ұстаным қалыптастыру мәселелері ерекше назар аударды.
Университет осындай іс-шараларды жүйелі түрде өткізу арқылы студенттердің рухани-адамгершілік тәрбиесіне және қоғамдық қауіпсіздікті нығайтуға өз үлесін қосып келеді. KazNARU мен мемлекеттік органдар арасындағы мұндай ынтымақтастық жас ұрпақты деструктивті идеологиялардан қорғаудың тиімді тетігі болып табылады.
