УВР-24-01 тобының университет психологымен кездесуі

Тәрбие және психологиялық жұмыс аясында УВР-24-01 тобы білім алушыларының университет психологымен кездесуі өтті.

Іс-шара жылы әрі сенімді атмосферада ұйымдастырылды. Кездесу барысында тиімді қарым-қатынас жасау, ұжымдағы өзара түсіністік және қолайлы психологиялық ахуалды қалыптастыру мәселелері талқыланды.

Білім алушылар ерекше қызығушылықпен «Жылы орындық» атты интерактивті ойынға қатысты. Аталған ойын ашық пікір алмасуға, бір-бірін қолдауға және топтағы ынтымақтастықты нығайтуға бағытталған. Қатысушылар бір-бірінің жағымды қасиеттерін атап, шынайы кері байланыс беруді үйренді.

Мұндай кездесулер ұжымның бірлігін арттыруға, эмоционалдық интеллектіні дамытуға және қолайлы білім беру ортасын қалыптастыруға ықпал етеді.