KAZNARU QS WORLD UNIVERSITY RANKINGS 2027 РЕЙТИНГІНДЕ ҚАЗАҚСТАННЫҢ ЖЕТЕКШІ ЖОО-ЛАРЫ ҚАТАРЫНДАҒЫ ТҰРАҚТЫ ПОЗИЦИЯСЫН САҚТАП ҚАЛДЫ
Қазақ ұлттық аграрлық зерттеу университеті жыл сайын әлемдегі жоғары оқу орындарының ең беделді халықаралық рейтингтерінің бірі – британдық QS Quacquarelli Symonds аналитикалық агенттігі жариялайтын QS World University Rankings рейтингіне қатысады.
QS World University Rankings 2027 нәтижелері бойынша KazNARU әлемнің жетекші университеттері қатарына еніп, Қазақстанның жоғары оқу орындары арасында үздік 5 университеттің қатарындағы орнын растады. Бұл нәтиже университеттің халықаралық академиялық кеңістіктегі тұрақты әрі сенімді позициясын, сондай-ақ еліміздің жетекші жоғары оқу орындары арасындағы бәсекеге қабілеттілігін көрсетеді.
Университеттің интернационалдандыру бағытындағы жетістіктері ерекше назар аударуға тұрарлық. QS World University Rankings 2027 рейтингінде KazNARU бірқатар халықаралық көрсеткіштер бойынша айтарлықтай ілгерілеу көрсетті. Атап айтқанда, «Шетелдік оқытушылар» индикаторы бойынша университет 63 позицияға жоғарылап, 634-орыннан 571-орынға көтерілді. Ал «Шетелдік студенттер» көрсеткіші бойынша 18 позицияға жақсарып, 499-орыннан 481-орынға шықты.
Соңғы жылдары KazNARU QS World University Rankings рейтингіне тұрақты түрде қатысып, білім беру сапасын арттыру, ғылыми зерттеулерді дамыту және халықаралық ынтымақтастықты кеңейту бағытында жүйелі жұмыс жүргізіп келеді.
Аталған көрсеткіштердің өсуі университеттің шетелдік ғалымдар, оқытушылар мен білім алушылар үшін тартымдылығы артып келе жатқанын дәлелдейді. Шетелдік оқытушыларды тарту озық халықаралық тәжірибені білім беру процесіне енгізуге, бірлескен ғылыми зерттеулерді дамытуға және жаһандық академиялық байланыстарды кеңейтуге ықпал етеді.
KazNARU алдағы уақытта да білім беру сапасын арттыруға, ғылыми әлеуетті дамытуға, халықаралық ынтымақтастықты кеңейтуге және аграрлық саланың тұрақты дамуына қатысты өзекті міндеттерді шешудегі рөлін күшейтуге бағытталған кешенді шараларды іске асыруды жалғастырады.
QS World University Rankings рейтингіне қатысу университет қызметінің халықаралық деңгейдегі тиімділігін бағалаудың маңызды құралы болып табылады. Сонымен қатар, бұл рейтинг KazNARU-дың тұрақты дамуына, әлемдік білім беру кеңістігіндегі позициясын нығайтуына және жаңа стратегиялық бағдарларды қалыптастыруына мүмкіндік береді.
KazNARU баспасөз қызметі
