Ғылыми тағылымдама

2024 жылғы 25 қараша мен 6 желтоқсан аралығында «Өсімдік шикізатын биоконверсиялау әдістері» тақырыбында: ФМБ ЖББ мекемесі К.А. Тимирязев атындағы «Ресей Мемлекеттік Аграрлық Университеті» – Мәскеу ауылшаруашылық академиясының т.ғ.д., «Жеміс-көкөніс және өсімдік шаруашылығы өнімдерін сақтау және өңдеу технологиялары» кафедрасының доценті Мустафина Анна Сабирдзяновна Қазақ ұлттық аграрлық зерттеу университетінде өткізілетін Мамаева Лаура Асильбековнаның жетекшілігімен «Тағам өнімдерінің технологиясы және қауіпсіздігі» кафедрасында ғылыми тағылымдамадан өтті.      

Бастапқы кезеңде екі тараптан келісілген және бекітілген ғылыми тағылымдаманың жоспар-кестесі әзірленді. Жұмыстың келесі түрлері жүргізілді: Өсімдік шикізатынан ресурстарды биоконверсиялаудың жаңа практикалық әдістерін талқылау. Қазақстан-Жапон инновациялық орталығының (ҚЖИО) зертханаларында; сүт өнімдерінің Референттік зертханасында; тағам өнімдерінің технологиясы мен сапасының Ғылыми-білім беру инновациялық орталығында зертханалық зерттеулерге қатысу жұмыстары жүргізілді.

Тағылымдама тақырыбына байланысты ҚазҰАЗУ ғалымдарының: т.ғ.к., доцент Мамаева Л.А., т.ғ.д., профессор Оспанов Ә.Ә., б.ғ.д., профессор Серікбаева А.Д. дәрістеріне, мастер-класстарға қатысу.

Қайта өңдеу өнеркәсібі технологияларын Халықаралық ғылыми-зерттеу орталығының базасымен танысу, жетекшісі т.ғ.д., профессор Оспанов Әбдіманап Әбубәкірұлы.

Өсімдік шикізатынан ресурстарды биоконверсиялаудың жаңа практикалық әдістерімен таныстыру; өсімдік шикізатынан ферменттік өнімдерді алуға арналған ғылыми және нормативтік құжаттаманы зерделеу. Жоғары технологиялық жабдықтың көмегімен сапаны анықтаудың жаңа әмбебап әдістерін қолдану мүмкіндігін зерттеу: 110-С18 5мкм 4,6*250мм Диасфералар бағанында Shimadzu фирмасының төмен шулы SPD-M20A диодноматрикалық детекторы және соя сусынының құрамдас аминқышқылдық құрамын анықтау. Мақала мен патентті жариялау үшін материал дайындалды.

Ғылыми тағылымдама барысында Қазақ ұлттық қайта өңдеу және тағам өнеркәсіптері ғылыми-зерттеу институты (ҚазҰҚӨТӨҒЗИ) зертханаларына барды: өнімдердің сапасы мен қауіпсіздігі биотехнологиясы зертханасы; астық өнімдері мен құрама жем технологиясы зертханасы; мал шаруашылығы өнімдерін қайта өңдеу және сақтау технологиясы зертханасы; өсімдік шаруашылығы өнімдерін қайта өңдеу және сақтау технологиясы зертханасы; наубайхана өндірісі технологиясы зертханасы.

Халықаралық қатынастар және стратегиялық даму жөніндегі проректор, PhD, профессор Абазов Рафис Фанисовичпен және «Инженерлік технологиялар» факультетінің деканы, физика-математика ғылымдарының кандидаты, қауымдастырылған профессор Алдибаева Лаззат Тургынбаевнамен кездесу өткізілді.

К.А.Тимирязев атындағы РМАУ – МАА бағдарламалары мен ғылыми бағыттары ұсынылды. Басым ғылыми бағыттарды ілгерілету және тағам өнеркәсібі үшін кадрлар даярлау туралы уағдаластықтарға қол жеткізілді. Тараптар пікір алмасты, екіжақты ынтымақтастыққа, әсіресе екіжақты ғылыми байланыстарды нығайтуға қатысты мәселелерді талқылады, бірлескен ғылыми зерттеулер, тағылымдамалар, біліктілікті арттыру және т.б. салалардағы ынтымақтастықтың ортақ жолдарын белгіледі.