«Тұғыры биік тәуелсіздік»
Ағымдағы жылдың 12-желтоқсанында «Орман шаруашылығы және жер ресурстары» факультеті «Орман ресурстары, аңшылықтану және балық шаруашылығы» кафедрасының ОЗ-21-07К тобының студенттері 16-желтоқсан тәуелсіздіктің 33 жылдығына орай «Тұғыры биік тәуелсіздік» атты ашық тәрбие сағатын өткізді. Топ кураторы Жубанышова Анар Темірханқызының бастамасымен ұйымдастырылған мерекелік іс-шараға жоғарыда аталған кафедраның профессор оқытушылар құрамынан: Факультет деканы Д. Сарсекова, деканның оқу ісі жөніндегі орынбасары Ж.Жорабекова, тәрбие жөніндегі орынбасары Д. Акимжанов, кафедра меңгерушісі Э. Жилкибаева, кафедрамыздың профессоры Қ. Абаева, қауымдастырылған профессорлар Ф.Токтасинова, А.Қожабекова, М. Байбатшанов, Ж.Адилбаева, А. Қопабаева, А.Нұрлаби А.Утебекова, М.Шыныбеков, А.Айтқазы, А.Сламбаева қатысты. Мерекелік іс-шара жоғары деңгейде өтіп, студенттер бар өнерлерін ортаға салды. Желтоқсан құрбандары туралы шағын қойылым қойылып, жыр жолдары оқылып, қасиетті домбырамен күй төгілді. 1-курс студенті Ақмахан Сафия скрипкамен қазақтың халық әні «Дударай» әнін тартып шықты. Қорытындылай келе факультет деканы Д. Сарсекова және професор Қ.Абаева құттықтау сөз сөйледі. Келе жатқан мерекемен құттықтап, алдағы сессияны жақсы тапсыруларына сәттілік тіледі.
