Болат Ұнат 1986 жылы туған, ұлты — қазақ. 2009 жылы Қазақ ұлттық аграрлық университетін «Кәсіптік оқыту» мамандығы бойынша тәмамдады. Университетті бітіргеннен кейін магистратураға түсіп, 2011 жылы ауыл шаруашылығы ғылымдарының магистрі академиялық дәрежесін алды.

Магистратураны аяқтағаннан кейін ғылыми-зерттеу жұмыстарын жүргізу мақсатында «Аграрлық техника және технология» кафедрасына зертхана меңгерушісі қызметіне қабылданып, 2012 жылға дейін жұмыс істеді.

2013 жылдан бастап «Механика және ауыл шаруашылығы техникасын құрылымдау» кафедрасында оқытушы қызметін атқарды. 2017 жылы «Аграрлық техника және технология» мамандығы бойынша докторантураға түсіп, оны 2020 жылы аяқтады. 2020 жылдың қыркүйегінде «Механика және ауыл шаруашылығы техникасын құрылымдау» кафедрасына аға оқытушы қызметіне қабылданды.

2023 жылы докторлық диссертациясын дайындау мақсатында өндіріс саласында жеке еңбек қызметімен айналысты. 2026 жылдың қыркүйегінен бастап «Аграрлық техника және машина жасау» кафедрасында аға оқытушы қызметін атқарады.

2011 жылы «Аграрлық техника және технология» мамандығы бойынша ауыл шаруашылығы ғылымдарының магистрі академиялық дәрежесі мен біліктілігін алды. Қазіргі уақытта 6D080600 — «Аграрлық техника және технология» мамандығы бойынша философия докторы (PhD) дәрежесін алу үшін «Тұқым себер алдындағы топырақ өңдеу құрылғысының параметрлері мен жұмыс режимін негіздеу» тақырыбында докторлық диссертация дайындауда.

Кәсіби қызметі барысында «Инженерлік графика», «Инженерлік және компьютерлік графика», «Сызба геометриясы және инженерлік графика», «Механика», «Техникалық механика», «Теориялық механика», «Теориялық және қолданбалы механика» және басқа да бейіндік пәндер бойынша дәрістер, зертханалық және тәжірибелік сабақтарды жоғары деңгейде жүргізді.