Тағам технологиясы студенттері үшін Qulpynai компаниясымен мотивациялық кездесу өтті
2025 жылдың 8 қазанында Қазақ ұлттық аграрлық зерттеу университетінің Инженерлік технологиялар факультетінің “Тағам өнімдерінің технологиясы және қауіпсіздігі” кафедрасында ерекше шара өтті — студенттер Qulpynai компаниясының өкілдерімен кездесті.
Бұл іс-шара жастардың кәсіби дамуына, шығармашылық ой-өрісін кеңейтуге және тағам өндірісі саласындағы жаңа бағыттармен танысуға мүмкіндік берді. Кездесу барысында студенттер компанияның құрылу тарихымен, мақсаттарымен және жеткен жетістіктерімен танысты.
Qulpynai — кондитерлік саладағы инновациялық идеяларды жүзеге асыруға және жастардың әлеуетін ашуға бағытталған заманауи платформа.
✨ Кездесу барысында:
-
Компанияның миссиясы, даму кезеңдері мен негізгі бағыттары таныстырылды;
-
Студенттердің кәсіби өсуіне ықпал ететін бірегей мүмкіндіктер ұсынылды;
-
Сарапшылармен ашық диалог форматында пікір алмасу өтті;
-
Qulpynai платформасы арқылы жүзеге асқан сәтті жобалар таныстырылды;
-
Қатысушыларға қазіргі еңбек нарығында сұранысқа ие дағдылар мен мотивациялық кеңестер берілді.
Кездесуге ПБ-24-19, СС-24-15К, ТПП-24-16К, ТПРП-24-17К және ТПП-22-07К топтарының студенттері белсенді қатысты.
Ал Qulpynai компаниясынан келесі өкілдер қатысты:
Сауынбаев Мақсат Құралбекұлы — HR-менеджер
Жолдасов Мерей Берікұлы — өндіріс меңгерушісі
Көшенова Айымжан Мақсотқызы — өндіріс меңгерушісі
Іс-шара жылы әрі ынталандырушы атмосферада өтіп, студенттерге кәсіби шабыт пен жаңа мүмкіндіктер сыйлады.
KazNARU Баспасөз қызметі
