KAZNARU-ДА «ТАҒАМ ӨНІМДЕРІНІҢ ТЕХНОЛОГИЯСЫ ЖӘНЕ САПАСЫ» ҒЫЛЫМИ-БІЛІМ БЕРУ ИННОВАЦИЯЛЫҚ ОРТАЛЫҒЫНДА ТҮРІК АСХАНАСЫНА АРНАЛҒАН ПРАКТИКАЛЫҚ СЕМИНАР ӨТТІ
2025 жылдың 13 қарашасында "Тамақ өнімдерінің технологиясы және сапасы" ғылыми-білім беру инновациялық орталығында түрік асханасының құпияларына арналған практикалық семинар өтті. Бұл шара мәдени және кәсіби тәжірибе алмасудың жарқын үлгісі болып, мамандарды, оқытушыларды және студенттерді гастрономиялық дәстүрлер мен тағам технологияларындағы инновациялар тақырыбы төңірегіне біріктірді.
«Тағам өнімдерінің технологиясы және сапасы» ғылыми-білім беру инновациялық орталығының жетекшісі, техника ғылымдарының докторы, қауымдастырылған профессор Еренова Бибіпатыма Ертайқызы және сүтті қайта өңдеу технологиясының маманы, техника ғылымдарының магистры Кауменова Альбина Ержанқызы үйлестірді. Олардың кәсіби қолдауы шараны жоғары деңгейде ұйымдастыруға мүмкіндік беріп, қатысушыларға ғылыми білімді кулинария тәжірибесінде қолданудың ерекшеліктерін терең түсінуге жол ашты.
Іс-шараның мәнін арттырған – Түркиядан шақырылған оқытушылар Öznur YILDIRIM мен Zülfinaz YILDIRIM. Олар өздерінің тәжірибесімен бөлісіп, дәстүрлі түрік тағамдарын дайындаудың құпияларын ашты. Ұсынылған мастер-класстар тыңдаушылар үшін нағыз жаңалық болып, оларды бірегей рецептермен таныстырып қана қоймай, түрік асханасының дәм үйлесіміне және өнімге деген құрметке негізделген философиясын сезінуге мүмкіндік берді.
Семинар Түркияның Алматы қаласындағы Бас консулдығы мен білім жөніндегі атташе Ayhan KORKMAZ-дың қолдауымен ұйымдастырылды. Мұндай ынтымақтастық білім беру және ғылыми бастамаларды дамытудағы халықаралық байланыстың маңыздылығын айқындай отырып, тағам технологиялары мен гастрономия саласындағы бірлескен жобаларға жаңа мүмкіндіктер ашады.
Қатысушылар мұндай іс-шаралар кәсіби құзыреттерді нығайтуға, дүниетанымды кеңейтуге және түрлі мәдениет өкілдері арасында сенім мен өзара құрмет атмосферасын қалыптастыруға ықпал ететінін атап өтті. Семинар тек практикалық сабақ қана емес, сонымен қатар диалог, шабыт және жаңа идеялар алаңына айналды.
KazNARU Баспасөз қызметі
