Дүниежүзілік алғашқы көмек күніне арналған іс-шара
16 қыркүйек күні сағат 09:00-де 10-ғимараттың 225-аудиториясында Дүниежүзілік алғашқы көмек күніне арналған іс-шара өткізілді.
Іс-шара барысында қатысушыларға алғашқы көмектің маңызы, оның адам өмірі мен денсаулығын сақтаудағы рөлі туралы ақпарат берілді. Сонымен қатар төтенше жағдай кезінде сақтық шараларын сақтау, зардап шеккен адамға көмек көрсету тәртібі және жедел медициналық көмек шақырудың маңыздылығы түсіндірілді.
Іс-шараның қызықты әрі интерактивті өтуі үшін Kahoot платформасында сауалнама-тест ұйымдастырылды. Қатысушыларға алғашқы көмек көрсету, қауіпсіздік ережелері және төтенше жағдай кезіндегі дұрыс әрекеттерге байланысты сұрақтар ұсынылды. Бұл формат қатысушылардың білім деңгейін тексеруге және олардың іс-шараға белсенді қатысуына мүмкіндік берді.
Kahoot сауалнамасынан кейін сұрақтардың дұрыс жауаптары талқыланып, қатысушыларға қосымша түсіндірмелер берілді. Қатысушылар өз білімдерін тексеріп қана қоймай, алғашқы көмек көрсету бойынша жаңа пайдалы ақпарат алды.
Іс-шараның нәтижелері
Іс-шара нәтижесінде қатысушылар:
- алғашқы көмек көрсету бойынша білімдерін толықтырды;
- төтенше жағдай кезіндегі дұрыс әрекет ету тәртібін қайталады;
- Kahoot арқылы өз білімдерін интерактивті түрде тексерді;
- зардап шеккен адамға уақытылы көмек көрсетудің маңыздылығын түсінді;
- қауіпсіздік пен өзара көмек көрсету мәселелеріне назар аударды.
Ұйымдастырушылар:
ВТҚжТ 22-10А тобының студенттері, тәлімгер Аубекерова Л.С.
