1) Жасанды интеллект инженері
2) Жасанды интеллект маманы
Кәсіби қызмет саласы — бұл машиналық оқыту, үлкен деректерді өңдеу, компьютерлік көру, табиғи тілді өңдеу, робототехника және нейрожелілік архитектуралар негізінде интеллектуалды жүйелер мен технологияларды
зерттеу, жобалау, әзірлеу, ендіру және сүйемелдеу.
Түлектердің кәсіби қызмет саласына ақпараттық технологиялар, интеллектуалды жүйелерді әзірлеу және енгізу, жасанды интеллект негізінде цифрлық трансформация, процестерді автоматтандыру және оңтайландыру жатады. Бұл қызмет түрлері экономика, ғылым, техника және әлеуметтік саланың түрлі бағыттарында қолданылады.
Кәсіби қызмет нысандарына интеллектуалды бағдарламалық-аппараттық кешендер, машиналық оқыту алгоритмдері мен модельдері, нейрожелілік және сараптамалық жүйелер, үлкен деректерді, кескіндерді, мәтін мен сөйлеуді өңдеу және талдау технологиялары, робототехникалық және киберфизикалық жүйелер, сондай-ақ жасанды интеллект әдістеріне негізделген цифрлық платформалар мен сервистер жатады.
Кәсіби қызмет саласы — бұл машиналық оқыту, үлкен деректерді өңдеу, компьютерлік көру, табиғи тілді өңдеу, робототехника және нейрожелілік архитектуралар негізінде интеллектуалды жүйелер мен технологияларды
зерттеу, жобалау, әзірлеу, ендіру және сүйемелдеу.
1.Жобалау-конструкторлық – интеллектуалды жүйелердің архитектурасы мен компоненттерін жобалау.
2.Ғылыми-зерттеу – жасанды интеллект саласындағы қолданбалы және іргелі зерттеулер жүргізу.
3.Өндірістік-технологиялық – өндірістік және цифрлық процестерге ЖИ технологияларын енгізу және іске асыру.
4.Аналитикалық – жасанды интеллект әдістерін қолдана отырып, деректер мен процестерді талдау.
5.Пайдалану – жұмыс істейтін интеллектуалды жүйелерді сүйемелдеу, баптау және оңтайландыру.
6.Инженерлік-бағдарламалық – ЖИ модельдері мен алгоритмдеріне негізделген бағдарламалық жасақтаманы әзірлеу.
7.Ұйымдастырушылық-басқарушылық – ЖИ саласындағы жобалар мен командаларды басқаруға қатысу.
8.Білім беру – жасанды интеллект саласында кадрлар даярлау, оқыту және кеңес беру.
Жасанды интеллект білім беру бағдарламасы бойынша түлектерде қолданбалы міндеттерді талдау және формализациялау, машиналық оқыту алгоритмдерін әзірлеу мен іске асыру, интеллектуалды жүйелерді жобалау және бағдарламалау, үлкен көлемдегі деректерді өңдеу және түсіндіру, әртүрлі пәндік салаларда ЖИ әдістерін қолдану, сондай-ақ ЖИ шешімдерінің тиімділігін бағалау және сүйемелдеу дағдылары болуы тиіс.