KazNARU

ХАБАРЛАНДЫРУ: I LOVE KazNARU конкурсы жарияланады

KazNARU Жастар ісі жөніндегі комитеті

«English Club» тіл үйрену клубының қолдауымен  

қызықты конкурс жариялайды!

 

Тақырыбы: #I LOVE KazNARU

Мақсаты: – студенттердің әлеуметтік-қоғамдық белсенділігін арттыру, университеттің дәстүрлерін дамыту және нығайту, университеттің жаңа логотипінің танымалдығын арттыруға атсалысу.        

Конкурс шарттары:  

Конкурс екі номинацияда жарияланады:

  1. 15-30 секундтық бейнеоролик, роликте міндеттті түрде университет логотипі болуы тиіс.
  2. Қатысушының университет логотипін пайдалана отырып түсірілген фотосы. 

 Конкурсқа университеттің кез келген білім алушысы қатыса алады. Қатысуға тілек білдірген білім алушылар жұмыстарын (бейноролик немесе фото) #IloveKazNARU хэштегін  пайдалана отырып, @kaznaru_zhastary парақшасын белгілеп, Инстаграмдағы өз парақшаларында жариялайды. Бір білім алушы екі номинацияға да қатыса алады.        

Жұмыстарға қойылатын талаптар:

  • бейнеролик/фото мазмұны Қазақстан Республикасының заңдары мен қоғамдық мораль нормаларына қайшы келмеуі қажет;
  • бейнероолик/фото университеттің жағымды имиджін арттыруға ықпал етуі тиіс;
  • бейнероликте бөгде тұлғалардың, ұйымдардың дизайндерін, әлеуметтік желілерден алынған слайд-шоуларды қолдануға болмайды;
  • бейнероликті/фотоны университеттің аумағында немесе Алматының көрікті жерлерінде түсіруге болады;
  • бейнероликтер/фотолар университет өміріне қатысты жарнамалық материалдарда, сайттарда, бұқаралық ақпарат құралдарында қолданылуы мүмкін.

Конкурс қорытындысын шығару және жеңімпаздарды марапаттау

  1. Арнайы құрылған қазылар алқасы жеңімпаздарды анықтайды. Қазылар алқасының құрамына университет басшылығының,  баспасөз қызметінің, жастар ұйымдарының өкілдері енеді.
  2. Жеңімпаздар грамоталармен және қаржылай сыйлықтармен  марапатталады. Жеңімпаздарды марапаттау 2024 жылдың 29 ақпан күні                       жастар орталығында (1а корпус  ) жүргізіледі.
  3. Конкурс қорытындысы университет сайтында және әлеуметтік желілердегі парақшаларда жарияланады.