«БІРІНШІ КУРС - 2024 KazNARU» СПАРТАКИАДАСЫ БАСТАЛДЫ

Қазақ Ұлттық Аграрлық зерттеу университетінің бірінші курс студенттері арасында спартакиада басталды. 30 қыркүйектен бастау алған жарыс жолында білімгерлер спорттың 7 түрінен сынға түседі.

Дәстүрлі спартакиаданың салтанатты ашылуында Дене тәрбиесі және спорт кафедрасының меңгерушісі, педагогика ғылымдарының кандидаты Меруерт Тұяқбаева және Жастар ісі жөніндегі комитеттің төрағасы Әшірәлі Сманов студенттерге сәттілік тіледі.

«Спартакиаданың мақсаты 1-курс студенттері арасында достық қарым-қатынас орнату, салауатты өмір салтын насихаттау. Сонымен қатар спорт түрлері бойынша дарынды спортшыларды іріктеп университет құрама командасын толықтыру көзделеді», - деді Меруерт Тұяқбаева.

Жарыс бағдарламасы аясында спартакиадаға қатысатын студенттер кіші футбол, тоғызқұмалақ, шахмат, армреслинг, үстел теннисі, баскетбол, волейбол ойындары бойынша бақ сынайды.

Жарыс қорытындысына сай жүлделі орын алғандарға бағалы сыйлықтар беріліп, алғыс хатпен марапатталады.

KazNARU Баспасөз қызметі