МАМАНДЫҚ ТАҢДАУ – МАҢЫЗДЫ ҚАДАМ: ДАРЫНДЫ ОҚУШЫЛАР ЕЛІМІЗДЕГІ ҮЗДІК ОҚУ ОРЫНДАРЫНЫҢ БІРІ KazNARU ТЫНЫСЫМЕН ТАНЫСТЫ

Қазақ ұлттық аграрлық зерттеу университетіне бүгін Алматы облысы, Балқаш ауданы, Бақанас ауылының Бақтыораз Бейсекбаев атындағы мектеп-гимназиясының мектеп бітіруші түлектері, 11 сынып оқушылары келді. Білім ордасының бағыт-бағдарымен танысуға келгендер қатарында ғылыми әдіскері Сонабаева Ф.Б. және бір топ сынып жетекшілері де бар.

Дарынды жастар университеттің Басқарма Төрағасы-Ректордың бірінші орынбасары П.Ш. Ибрагимовпен және осы ауданнан түлеп ұшқан тағлымы мол ұстаздар, яғни оқу орнында қызмет істейтін профессор-оқытушылар құрамымен кездесті. Әрі университетіміздің тарихынан бастап, білім беру бағдарламалары бойынша толық, жан-жақты мағлұматтар алды. Оқу ғимараттары және ғылыми-зерттеу зертханаларымен танысты.

Университетіміздің қабылдау комиссиясы 11 сынып оқушыларының мамандық таңдауларына ықпал ету, кәсіби бағыт бағдар беру мақсатында мазмұнды түсіндіру жұмыстарын жүргізді.

Дұрыс таңдалған мамандық – болашақтың жарқын кепілі. Содан да болар, университеттің білім бағдарламаларымен танысуға келген мектеп оқушыларына оң ақпарат беру олардың үлкен өмірге ойдағыдай қадам жасауына өз септігін тигізері сөзсіз.

KazNARU Баспасөз қызметі