Қазақстан Республикасының Тәуелсіздік күніне арналған мерекелік іс-шара

12 желтоқсан күні сағат 13:00-де 6 корпус лекциялық залында Қазақстан Республикасының Тәуелсіздік күніне арналған «Тәуелсіздіктің нұры – ұрпақ жүрегінде» атты мерекелік шара өтті. Шараны ұйымдастырушылар — «Жалпы білім беру пәндері» кафедрасының оқытушылары Байнайманова Жаныл Әділшиновна мен Бердышева Гүлжан Әлімбаевна, сондай-ақ университетіміздің 1 курс студенттері болды.

Мерекелік бағдарлама тарихи, шығармашылық және интерактивтік бөлімдерден тұрды. Шара Қазақстан Республикасының Мемлекеттік Әнұранымен басталып, жүргізушілер мен арнайы қонақтардың құттықтау сөздерімен жалғасты. Сөз сөйлеген саясат ғылымдарының кандидаты, доцент Куппаева Ботагөз Төлегеновна бірліктің, бейбітшіліктің және жастардың тәуелсіз Қазақстанның болашағын қалыптастырудағы рөлін атап өтті.

Сонымен қатар, «Орыс тілі» пәні секциясының аға оқытушылары Тойғулиева Айгүл Бахытжановна мен Абдылдаева Чолпон Сабыровна қатысушыларға жылы лебіздерін білдіріп, Тәуелсіздіктің еркіндік пен халық бірлігінің символы екенін атап өтті, студенттерді белсенді азамат болуға және ел дамуына үлес қосуға шақырды.

Шара барысында студенттер патриоттық өлеңдер оқып, «Желтоксан желі» және «Көк тудың желбірегені» әндерін орындады, «Қазақ хандығынан – Тәуелсіздікке дейін» атты театрландырылған сахналық көрініс көрсетіп, би нөмірлерін ұсынды. Көрермендер арасында «Мен елімді мақтан етемін!» викторинасы ерекше қызығушылық тудырды.

Мереке флешмобпен және қатысушылар мен қонақтарға алғыс сөздерімен аяқталды. Мұндай шаралар патриоттық сезімді, ел тарихы мен дәстүріне құрметті тәрбиелейді және Отанға деген бірлік пен мақтаныш сезімін күшейтеді.