KazNARU-ДА ТМД ЖӘНЕ ШЫҒЫС ЕУРОПА ЕЛДЕРІНДЕГІ SPRINGER NATURE ХАЛЫҚАРАЛЫҚ БАСПАСЫНЫҢ ӨКІЛІМЕН КЕЗДЕСУ ӨТТІ
2026 жылдың 28 қаңтарында KazNARU-да ТМД және Шығыс Еуропа елдеріндегі Springer Nature халықаралық баспасының өкілі Ирина Алексеевна Александровамен жұмыс кездесуі өтті. Келіссөздерге KazNARU халықаралық қатынастар жөніндегі проректоры Рафис Абазов және университеттің ғылым департаментінің директоры Ахметжан Ақиұлы Сұлтанов қатысты.
Кездесу барысында тараптар әлемдегі ең ірі баспалардың бірі-Springer Nature ұсынатын мүмкіндіктердің кең ауқымын қарастырды. Баспа әлемдік ғылыми жарияланымдар нарығының көшбасшыларының үштігіне кіреді және Scopus халықаралық дерекқорында индекстелген 2800-ге жуық журналды біріктіреді.
Ирина Александрова баспаның жарияланымдық мүмкіндіктерін жан-жақты таныстырып өтті. Атап айтқанда:
- жетекші ғылыми журналдар мен жинақтарда ғылыми мақалаларды жариялау;
- университеттердің жарияланымдық белсенділігін арттыруға қолдау көрсету;
- жас зерттеушілерге Scopus базасында индекстелетін алғашқы жарияланымдарға жол ашатын халықаралық ғылыми конференциялар ұйымдастыру мәселелері сөз болды.
Сондай-ақ KazNARU мен Springer Nature арасындағы өзара ынтымақтастықтың жеке форматтарын талқылауға ерекше назар аударылды. Тараптар ғылыми жарияланымдардың сапасы мен санын арттыруға, сондай-ақ университеттің халықаралық академиялық кеңістіктегі беделін нығайтуға бағытталған бірлескен бастамалардың маңыздылығын атады.
Халықаралық қатынастар жөніндегі проректор Рафис Абазов ұлттық зерттеу университеті ретінде KazNARU миссиясын іске асыру үшін жетекші әлемдік баспалармен ынтымақтастықтың стратегиялық маңыздылығына ерекше мән берді. Ғылым департаментінің директоры Ахметжан Ақиұлы Сұлтанов Springer Nature-мен серіктестік қазақстандық ғалымдар үшін жаңа бағыттарды кеңейтуге және олардың жаһандық деңгейде бәсекеге қабілеттілігін арттыруға мүмкіндік беретінін атап өтті.
Кездесу KazNARU-дың жарияланымдық белсенділігін дамыту бағдарламасы аясында Халықаралық офис пен Ғылым департаментінің бірлескен жұмысының нәтижесінде ұйымдастырылды. Бұл қадам университеттің халықаралық байланыстарды нығайтуға, ғылыми зерттеулерді ілгерілетуге және орнықты академиялық экожүйе қалыптастыруға деген ұмтылысын айқын көрсетеді.
Springer Nature-пен ынтымақтастық KazNARU зерттеушілері үшін әлемдік ғылыми ресурстар мен платформаларға қолжетімділікті қамтамасыз ете отырып, жаңа перспективалар ашады. Университет өзінің жетекші ұлттық зерттеу орталығы мәртебесін нығайта отырып, қазақстандық ғылымды жаһандық академиялық қоғамдастыққа интеграциялау үшін жағдай жасай отыра және стратегиялық әріптестікті белсенді дамытуды жалғастыруда.
KazNARU халықаралық байланыстарды дамыту мен зерттеушілерді жоғары академиялық стандарттарға сай қолдауды басты басымдықтарының бірі ретінде айқындайды.
KazNARU Баспасөз қызметі
