Су ресурстарын тұрақты басқару: заманауи сын-қатерлер мен шешімдер

2026 жылдың 25–26 ақпан күндері Алматы қаласында су ресурстарын тиімді басқару және қалалардың тұрақты дамуы мәселелеріне арналған халықаралық деңгейдегі форум өтті. Іс-шараны Kazakh National Agrarian Research University және Global Water Partnership ұйымдары бірлесіп ұйымдастырды.

Форумның негізгі тақырыбы – «Қалалардың тұрақты дамуы: су ресурстарын басқарудағы сын-қатерлер мен басқару сценарийлері» болды. Іс-шара барысында сарапшылар, ғалымдар және мамандар урбанизация жағдайында су ресурстарын тиімді пайдалану, климаттық өзгерістердің әсері және құрғақ аймақтардағы су тапшылығы мәселелерін талқылады.

Форум аясында Ali Torabi Haghighi (Шығыс Финляндия университетінің профессоры) арнайы дәріс оқыды. Оның баяндамасының тақырыбы:
«Тұрақсыздық синдромы: метеорологиялық құрғақшылықтан ауыл шаруашылық құрғақшылығына дейін (құрғақ және жартылай құрғақ аймақтарда)». Дәріс барысында ғалым климаттық өзгерістердің су ресурстарына әсерін, құрғақшылықтың әртүрлі түрлерінің өзара байланысын және ауыл шаруашылығы мен қалалық инфрақұрылымға ықпалын жан-жақты түсіндірді.

Аталған іс-шараға филиал директоры Бердышев А.С., профессорлық-оқытушылар құрамы, сондай-ақ ТИАШМИИ ҰЗУ университетінің бас кампусынан келген шетелдік оқытушылар Назаралиев Д.В. және Норкулов Б.Е. қатысып, су ресурстарын тиімді басқару мәселелері бойынша пікір алмасып, тәжірибелерімен бөлісті.

Сонымен қатар форум қатысушылары Алматы қаласының су ресурстарын басқару жүйесін жетілдіруге арналған даму сценарийлерін әзірлеу жұмыстарына қатысты. Бұл талқылаулар аймақтағы су қауіпсіздігін қамтамасыз ету, ресурстарды тиімді пайдалану және болашақтағы климаттық тәуекелдерді азайту мақсатында жүргізілді.

Аталған іс-шара су ресурстарын басқару саласындағы халықаралық тәжірибе алмасуға, ғылыми зерттеулер мен практикалық шешімдерді біріктіруге маңызды үлес қосты.