IMPROvE_AGRO халықаралық жобасы
«IMPROvE_AGRO–Ағылшын тілінде оқыту арқылы ауыл шаруашылығы саласындағы магистрлік бағдарламаларды интернационализациялау» тақырыбында ERASMUS+ №609563-EPP-1-2019-1-DE-EPPKA2-CBHE-JP орман шаруашылығы бағыты бойынша «Орман ресурстары, аңшылықтану және балық шаруашылығы» кафедрасының аға оқытушысы Утебекова Айнұр Дүйсенбекқызы және қазіргі уақытта 1 курс докторанттары Сатыбалдиева Гүлшат Тұрсынәліқызы, Құлшығашова Мөлдір Құдайбергенқызы, Тюмень мемлекеттік университеті (Ресей), Фрайбург педагогикалық университеті (Германия), Аристотель атындағы университеті (Греция), Моңғолия Ұлттық университеті (Моңғолия), Астон университеті (Ұлыбритания), Toraighyrov university жұмыс тобының халықаралық кездесулеріне қатысты.
Бұл жобада қабылданған негізгі тәсіл ауыл шаруашылығы және орман шаруашылығы үшін мамандар даярлау бағыттары бойынша білім беру пәндері шеңберінде негізгі модульдерді жаңғырту және әзірлеу болып табылады, бұл барлық еуропалық емес әріптестер үшін жалпы өңірлік басымдық болып табылады. Осылайша, жоба Қазақстан, Моңғолия және Ресей арасындағы өңірлік ынтымақтастықты нығайтуға, сондай-ақ осы елдер мен ЕО арасындағы халықаралық ынтымақтастық үшін жаңа перспективалар жасауға бағытталған, бұл өз кезегінде Жоғары білімнің ұлттық жүйелерін жалпы реформалауға ықпал етеді.
Жобаның мақсаты: ЕО сапа стандарттарына келтіру, ағылшын тілін оқыту тілі ретінде енгізу (English Medium Instruction-EMI), сондай-ақ аралас оқыту (Blended learning) форматын енгізу арқылы магистрлік бағдарламаларды интернационалдандыру бойынша олардың мүмкіндіктерін кеңейту арқылы Қазақстан, Моңғолия және Ресей қоғамдарын жаңғыртуға және интернационалдандыруға үлес қосу; студенттердің ұтқырлығына жәрдемдесу және Азиялық және Еуропалық университеттер арасында ауыл шаруашылығы мен орман шаруашылығына мамандар даярлайтын оқытушылар; жоғары білімнің қолжетімділігін арттыру, әсіресе ең осал топтар үшін; бірлескен дәрежелерді (Қос / көп дәрежелі диплом) дамытуға ықпал ету.
