KazNARU БАЗАСЫНДА БІЛІКТІЛІКТІ АРТТЫРУ КУРСЫН БІТІРГЕНДЕРГЕ СЕРТИФИКАТ ТАБЫСТАЛДЫ

Қазақ ұлттық аграрлық зерттеу университетінің базасында Қарақалпақстан ауыл шаруашылығы және агротехнология институтынан келген профессор-оқытушылар құрамына біліктілікті арттыру курсынан өткені туралы сертификаттар табысталды.

Біліктілікті арттыру курстары профессор-оқытушылардың педагогикалық қызметін нәтижелі атқаруын және кәсіби деңгейін көтеру мақсатында арнайы оқу бағдарламалары арқылы оқыту, кәсіби білімін дамытуды көздейді.

Курсты бітірушілерге KazNARU Басқарма Төрағасы – Ректордың орынбасары, педагогика ғылымдарының докторы Айтжан Абдыров арнайы сертификаттар тапсыра отырып, білім беру саласындағы қадамдарына сәттілік тіледі.

Өз кезегінде қарақалпақстандық ғалымдар мен оқытушылар біліктілікті арттыру курсын жоғары деңгейде ұйымдастырып, тыңдаушыларға барлық жаңдайды жасағаны үшін университет басшылығына алғыстарын білдірді.

KazNARU Баспасөз қызметі