KazNARU СТУДЕНТТЕРІ ФАКУЛЬТЕТАРАЛЫҚ БАЙҚАУДА БАҚ СЫНАСТЫ

Қазақ ұлттық аграрлық зерттеу университетінің Тәрбие жұмыстары жөніндегі департаменттің ұйымдастыруымен 9 – желтоқсан Халықаралық жемқорлыққа қарсы күрес күніне арналған "Жемқорлықсыз әлемге бірге қадам басайық" атты факультетаралық байқау болып өтті.

Бұл байқаудың мақсаты – сыбайлас жемқорлықтың қоғамға тигізетін теріс әсерлерін кеңінен түсіндіріп, жастар мен барлық азаматтар арасында сыбайлас жемқорлыққа қарсы мәдениетті қалыптастыру. Байқау арқылы қоғамды әділдік, тазалық және парасаттылық принциптеріне үндеп, әрбір адамды жемқорлыққа қарсы күреске белсене қатысуға шақыру көзделеді. Сондай-ақ, осы байқау арқылы сыбайлас жемқорлықтың алдын алу мақсатында шығармашылық жұмыстарды қолдау, жастарды құқықтық сананы арттыруға бағытталған іс-шаралар ұйымдастыру және азаматтық белсенділікті көтермелеу де маңызды міндеттер қатарында табылады.

«Жемқорлықсыз әлемге бірге қадам басайық» атты байқауда Әлеуметтік-құқықтық жұмыс жөніндегі жетекші маман - Мақсат Иманбеков, Жастар ісі жөніндегі комитет жетекшісі – Әшірәлі Сманов, Жастар ісі жөніндегі комитет маманы – Альбина Қозыбағарова әділ қазылар құрамында белсенділік көрсетті.

Байқау бірнеше қызықты кезеңдерден тұрды. Әр кезеңде қатысушылар өздерінің шығармашылық және интеллектуалдық әлеуетін танытып, жемқорлық мәселелеріне қатысты өз шешімдері мен көзқарастарын білдірді.

Барлық кезеңдер өте қызықты және тартысты өтті. Қатысушылар өздерінің идеяларын терең талдап, жемқорлыққа деген жауапкершіліктерін көрсетті. Байқау қорытындысында ең үздік жұмыстарды орындаған командалар марапатталды.

Жеңімпаздар төмендегідей орындады бөлісіп, арнайы дипломдарен марапатталды:

1– орын «Бизнес және құқық» Жоғары мектебі, «Әділдік альянсы» командасы.

2– орын «Инженерлік технологиялар» факультеті, «Шындық шырағы» командасы.

3– орын «Ветеринария» факультеті, «Жемқорлықсыз болашақ» командасы.

KazNARU Баспасөз қызметі