ҚУАТ СҰЛТАНҒАЗИЕВ УНИВЕРСИТЕТТІҢ «АЙЫРЫҚША ЕҢБЕГІ ҮШІН» ТӨСБЕЛГІСІМЕН МАРАПАТТАЛДЫ
Бүгін, 2025 жылдың 18 қаңтарында Қазақ ұлттық аграрлық зерттеу университетінің Басқарма Төрағасы-Ректордың инфрақұрылымды дамыту және әлеуметтік мәселелер жөніндегі орынбасары Сұлтанғазиев Қуат Елеусізұлы ердің жасы – 50-ге толып отыр.
Қуат Сұлтанғазиев өзіміздің Қазақ ұлттық аграрлық зерттеу университетін "зооинженер" мамандығы бойынша бітірген. Еңбек жолын Еңбекшіқазақ ауданы бойынша Салық басқармасының инспекторы болып бастаған ол «Казкоммерцбанк» АҚ Шелек филиалының жетекші менеджері, директордың орынбасары, «БиК Service», «Vita trans» ЖШС-ларының директоры, «Баттал» шаруа қожалығының жетекшісі, «Ауыл шаруашылығын қаржылай қолдау қоры» АҚ Алматы облыстық филиалының директоры, «Аграрлық несиелік корпорация» АҚ Алматы қаласы филиалының директоры, Еңбекшіқазақ ауданының әкімі лауазымдарында абыройлы қызмет атқарған білікті басшы. Алматы облыстық Мәслихатына екі рет депутат болып сайланған қоғам қайраткері, белгілі тұлға.
KazNARU Басқарма төрағасы - Ректоры, ҚР Президенті жанындағы ҰҒА Президенті, академик Күрішбаев Ақылбек Қажығұлұлы әріптесімізді бүгінгі мерейтойымен құттықтай отырып, Қуат Сұлтанғазиевті Университеттің «Айырықша еңбегі үшін» төсбелгісімен марапаттап, Алғыс хат тапсырды.
Университет басшысы өз құттықтауында проректордың соңғы екі жыл ішінде оқу ордамыздың материалдық-техникалық негізін қайта жаңғыртып, инфрақұрылымын дамыту бойынша атқарған жұмыстарының нәтижесіне ризашылық білдірді.
«Соңғы 30 жыл аясында университетіміздің оқу ғимараттары мен студенттік жатақханаларында, Алматы облысы аумағындағы екі оқу-тәжірибе шаруашылығында қордаланған проблемалық күрделі мәселелерді оңтайлы шешудің нақты жолдарын тауып, білім алушылардың әлеуметтік-тұрмыстық жағдайын жақсартуға үлкен үлес қосқан Қуат Елеусізұлының айырықша еңбегін атап өткім келеді», - деді Ақылбек Қажығұлұлы.
Бүгінде бәсекеге қабілетті жоғары білімді кадлар даярлау үшін студенттерді жатақханамен қамтамасыз ету – ең басты мәселенің бірі болса, ол да толықтай шешілді. Барлық жатақханалар мен оқу корпустары заманауи дизайындық жобаға сәйкес, кезең-кезеңімен күрделі жөндеуден өткізілді. Қазіргі уақытта 450 орындық жаңа жатақхана құрылысы жүргізілуде. Осылайша KazNARU Алматы қаласындағы жатақхана мәселесін шешкен жалғыз ЖОО атанды.
Студенттер үшін жаңа тоңазытқыштар қойылды, кіржуғыш машиналар орнатылды. Университеттің тігін цехының жұмысы жаңа деңгейге көтерілді, ол студенттерге қажетті күнделікті бұйымдармен қамтамасыз етеді. Пластикалық есік, терезе, витраж шығаратын цех іске қосылды. Жеңілдетілген бағамен азық-түлік сататын «Студент» дүкені ашылды. Спорт-сауықтыру жұмыстарын жақсарту мақсатында заманауи ашық стадион салынып, іске қосылды.
Сонымен қатар, KazNARU базасында ашылған «Ташкент ирригация және ауылшаруашылығын механикаландыру инженерлері институты» ұлттық зерттеу университетінің Филиалының құрылысы сапалы жүрігізілуіне де Қуат Сұлтанғазиевтың командасы өте ұйымшылдық танытты.
Университетіміздің даңқын асырып, абыройын асқақтатқан әріптесіміздің мерейлі 50 жылдық белесімен шын жүректен құттықтаймыз!
KazNARU баспасөз қызметі
