ТИАШМИ ҰЗУ филиалында сенбілік ұйымдастырылды

2026 жылғы 3 сәуір күні «ТИАШМИ» Ұлттық зерттеу университетінің Алматы қаласындағы филиалында дәстүрлі сенбілік ұйымдастырылды.

Іс-шараға филиалдың оқытушылары, қызметкерлері мен студенттері белсенді түрде қатысып, аумақты тазалау және абаттандыру жұмыстарына атсалысты. Сенбілік барысында оқу ғимаратының ауласы мен оған іргелес аумақтар қоқыстан тазартылып, жасыл желектер ретке келтірілді. Сонымен қатар, тазалық жұмыстарымен қатар көгалдандыру және аумақты көріктендіру шаралары да жүргізілді.

Мұндай игі бастамалар қоршаған ортаны қорғауға деген жауапкершілікті арттырып қана қоймай, ұжым мүшелері арасындағы ынтымақтастық пен бірлікті нығайтуға септігін тигізеді.

Айта кету керек, сенбілік – бұл тек тазалық жұмысы ғана емес, сонымен қатар экологиялық мәдениетті қалыптастырудың маңызды бір бөлігі. Филиал ұжымы алдағы уақытта да осындай іс-шараларды тұрақты түрде өткізуді жоспарлап отыр.