«ТИИИМСХ» ҰЗУ филиалының магистранттары мен докторанттары Түркі әлемі ұлттық ғылым академиялары одағының IX Бас ассамблеясына қатысты

Халықаралық іс-шара Қазақстан Республикасы Президентінің жанындағы Қазақстан Республикасы Ұлттық ғылым академиясының 80 жылдығын мерекелеу аясында ұйымдастырылды.

Бас ассамблея жұмысына жетекші ғылыми ұйымдардың өкілдері, Қазақстан, Өзбекстан, Түркия, Әзербайжан және Қырғызстан ұлттық ғылым академияларының басшылары, сондай-ақ түркі әлемінің ғалымдары мен зерттеушілері қатысты.

Халықаралық іс-шараға «Ташкент ирригация және ауыл шаруашылығын механикаландыру инженерлері институты» Ұлттық зерттеу университетінің Алматы филиалының («ТИИИМСХ» ҰЗУ) магистранттары мен докторанттары да қатысты.

Отырыс барысында халықаралық ғылыми ынтымақтастықты дамыту, бірлескен ғылыми-зерттеу жобаларын жүзеге асыру, академиялық байланыстарды нығайту және түркі мемлекеттерінің ғылыми мекемелері арасындағы өзара іс-қимылды кеңейту мәселелері талқыланды.

Аталған іс-шараға қатысу филиалдың магистранттары мен докторанттарына ғылыми зерттеулердің заманауи бағыттарымен танысуға, тәжірибе алмасуға және халықаралық академиялық ынтымақтастықтың болашағы туралы түсініктерін кеңейтуге мүмкіндік берді.

Филиалдың жас зерттеушілерінің халықаралық ғылыми алаңдарға қатысуы олардың ғылыми әлеуетін арттыруға, зерттеу мәдениетін қалыптастыруға және халықаралық ғылыми қауымдастыққа кірігуіне ықпал етеді.

«ТИИИМСХ» ҰЗУ Алматы филиалы магистранттар мен докторанттарды ғылыми-зерттеу қызметіне тартуға ерекше мән береді және олардың кәсіби әрі академиялық дамуына ықпал ететін халықаралық деңгейдегі іс-шараларға қатысуын қолдайды.