KazNARU СТУДЕНТТЕРІНЕ КӘСІБИ БІЛІМДІ ТЕРЕҢДЕТУГЕ БАҒЫТТАЛҒАН ҚОНАҚ ДӘРІСІ ӨТКІЗІЛДІ
2024 жылғы 21 қарашада Қазақ ұлттық аграрлық зерттеу университеті «Инженерлік технологиялар» факультетінде білім беру сапасын арттыруға және студенттердің кәсіби білімін тереңдетуге бағытталған қонақ дәрісі өтті.
Тағлымды қонақ дәрісін оқуға «Andreas STIHL AG & Co. KG» өкілдігінің Орта Азиядағы техникалық кеңесшісі Дмитрий Николаевич Мелешкин шақырылған. Ол «Шағын механикаландыру құралдары және өндірістегі қауіпсіздік техникасы» тақырыбы аясында білім-білігімен бөлісті.
Іс-шара аясында студенттер мен оқытушылар шағын механикаландыру саласындағы заманауи технологиялар, оларды түрлі салаларда қолдану туралы біле алды, сондай-ақ өндірістік алаңдарда қауіпсіздікті қамтамасыз етудің негізгі аспектілерін талқылады.
«Andreas STIHL AG & Co. KG» - шынжырлы ара, бау-бақша техникасы және орман, ауыл шаруашылығы және құрылыс үшін кәсіби жабдықтар өндірісіндегі әлемдік көшбасшы. Компанияның Орта Азиядағы өкілдігі аймақтың ерекшеліктеріне бейімделген жоғары сапалы құралдарды ұсынады. Сонымен қатар оларды техникалық қолдау мен пайдаланушыларға оқытуды қамтамасыз етеді.
Жалпы, университет қабырғасындағы мұндай іс-шараларды жиі өткізу білім беру процесіндегі практикалық құрамдас бөлікті нығайтады. Әрі студенттердің кәсіби құзыретін дамытады және оқу орнының индустрия алаңындағы жетекші өкілдерімен өзара ынтымақтастықты нығайтуға, тиімді байланысты арттыруға мейлінше оң ықпалын тигізеді.
KazNARU Баспасөз қызметі
