KAZNARU-ДА АКАДЕМИЯЛЫҚ ЖАЗЫЛЫМ САУАТТЫЛЫҒЫН ЖЕТІЛДІРУ БАҒЫТЫНДА ҚОНАҚ ДӘРІСІ ӨТТІ

2024 жылдың 25 қарашасында Қазақ ұлттық аграрлық зерттеу университетінің профессор-оқытушылар құрамы мен докторантура, магистратура білім беру бағдарламалары бойынша білім алушыларына «Академиялық жазылым» тақырыбында қонақ дәрісі ұйымдастырылды.

 1 корпус, 2 Л залында, сағат 15:00-16:30 аралығында өткізілген дәрістің басты мақсаты - академиялық жазылым сауаттылығын жетілдіру. Ғылыми ізденісте жазылатын еңбектің құрылымын түсіндіру, негізгі бағдарларын тізбектеу, көрсету.

Ашық қонақ дәрісіне қатысушыларға «APA style, академиялық мақалаларға қалай талдау жасау қажет және академиялық жазылым барысында жасанды интелектті пайдалану» тақырыбы аясында университетіміздің Жалпы білім беру пәндері кафедрасының аға оқытушысы Г.Қызайбай баяндама жасады.

Сонымен қатар, Абай атындағы ҚазҰПУ, Академик С.Қирабаев атындағы қазақ әдебиеті және оқыту әдістемесі кафедрасынының меңгерушісі, ф.ғ.к., Оспанов Еділбай «Академиялық жазылым негіздері» тақырыбында білім-білігімен бөлісті.

Мазмұны мен мән-маңызы терең іс-шараға оқу ордасы ғалымдары мен жас білімгерлер өте белсенді қатысты. Олар өз ойларындағы сауалдарын қойып, салмақты жауаптарын алып, салиқалы пікір алмасты.