Мұрат Жәудір Нұрланқызы — белсенді, ізденімпаз және білімге құштар жас маман. Түркістан облысының тумасы. Мектеп қабырғасында жоғары оқу үлгерімін көрсетіп, оқу орнын қызыл аттестатпен тәмамдады.

Жоғары білімді Қазақ ұлттық аграрлық зерттеу университеті қабырғасында алып, 6В08103 – "Жеміс - көкөніс шаруашылығы"  білім беру бағдарламасы бойынша білім алды. Оқу барысында үздік көрсеткіштерімен ерекшеленіп, бакалавр дәрежесін қызыл дипломмен аяқтады.

Студенттік жылдары ғылыми-зерттеу және қоғамдық жұмыстарға белсенді қатысты. Сонымен қатар, мамандығы бойынша өткен олимпиадада І орын иеленіп, өзінің кәсіби дайындығы мен білім деңгейін дәлелдеді.

Жәудір Нұрланқызы университеттің қоғамдық өміріне белсене араласып, факультет белсендісі ретінде түрлі мәдени-танымдық іс-шаралардың ұйымдастырылуына атсалысты.

Магистрлік оқу жылдарында 2024 жылы «Қысқы жылыжайдағы болашағы зор қызанақ үлгілерінің шаруашылық-құнды белгілерін бағалау» тақырыбында ғылыми мақаласы жарық көрді.

Кәсіби және тұлғалық дамуға ұмтылысын жалғастыра отырып, 2025–2026 оқу жылында «Буллинг – себептері, формалары, алдын алу» тақырыбындағы біліктілікті арттыру курсынан өтті.

Қазіргі таңда өз саласы бойынша терең білім алып, ауыл шаруашылығы мен аграрлық ғылымның дамуына үлес қосуды мақсат етеді.