Ветеринарлық қамтамасыз етуді ұйымдастыру (Офицер)

Кәсіби қызмет саласы әскери ғылым және тылдан қамтамасыз ету болып табылады, ол адамдардың қызметтік жануарларды қолдану тәртібін орнатуға және жануарлар мен өсімдіктерден жасалған өнімдерді ветеринарлық-санитарлық сараптамадан өткізуге бағытталған қызметінің технологияларын, құралдары мен әдіс-тәсілдері жиынтығын қамтиды.

Түлектердің кәсіби қызметі объектілері Қазақстан Республикасы Қорғаныс министрлігінің әскери бөлімшелері мен мекемелері болып табылады.

Түлектердің кәсіби қызметінің нысандары: - жеке құрамды басқару; - бейбіт өмір және соғыс жағдайында қызметтік жануарларға қатысты профилактикалық және емдеу іс-шараларын жүзеге асыру.

Түлектердің кәсіби қызметінің түрлері: - ұйымдастыру-басқару қызметі; - пайдалану қызметі; - әкімшілік-шаруашылық қызмет.

Түлек кәсіби қызмет объектілерінде келесі функцияларды орындай алатын болады: - бөлімшелер мен олардың бөлімдерін ветеринарлық қамсыздандыруды ұйымдастыру; - тылдық бөлімшелердің жауынгерлік даярлығын ұйымдастыру; - ветеринарлық бөлімшелерде қызметтік жануарларды ұстау және пайдалануды ұйымдастыру; - жеке құрамды оқыту мен тәрбиелеуді ұйымдастыру; - қызмет атқару барысының қауіпсіздігін қамтамасыз ету.

Түлек кәсіби қызмет объектілерінде келесі міндеттерді шеше алады: - ветеринария мамандарымен жауынгерлік және мемлекеттік-құқықтық даярлық сабақтарын жоспарлау, ұйымдастыру және өткізу; - ҚР ҚМ ветеринариялық мекемелерінің жоспарлы құжаттамасын әзірлеп, жүргізу; - жеке құрамды сапалы оқыту үшін оқу-материалдық қор объектілерін, қару-жарақты, техникалық оқыту құралдарын пайдалану; - сабақтар мен оқу жаттығулары, қызмет ету, улы және қатты әсер ететін препараттармен жұмыс істеу барысында қауіпсіздік шараларын ұйымдастыру; - ветеринарлық қамсыздандыруды ұйымдастыру және жеке құрамды басқара білу; - ұрыс-шайқас жағдайында бөлімшелерді жауынгерлік, техникалық және тылдық тұрғыда қамтамасыз етуді ұйымдастыру әрі жүзеге асыру; - қол астындағы жауынгерлермен жеке тәрбие жұмысын ұйымдастыру, жарғылық тәртіпті сақтау, ветеринарлық бөлімшелердегі әскери тәртіптің жай-күйіне, психологиялық ахуалға және әскердің қызметіне талдау жасап, баға беру; - жеке құрамның жоғары моральдық-жауынгерлік және адамгершілік қасиеттерін, ұлтаралық қатынастар мәдениетін қалыптастыру; - қызметтік парызын, командирлер мен бастықтардың бұйрықтарын орындау, сондай-ақ өз іс-әрекеттерінің тәртіптілігі мен ақылға қонымды бастамашылық үшін жауапкершілік; - арнайы техниканы пайдалану, күту, ұстау, азық-түлік өнімдері мен дәрі-дәрмек препараттарын сақтау жұмыстарын ұйымдастырып, орындау; - штаттық жануарларды әскери қолданысқа даярлау, олардың тамақтандырылуын, ұсталуы мен пайдаланылуын тексеру және бағалау тәртібі; - қол астындағы жұмыскерлердің орналасуын, тұрмысын, тамақтануын, денсаулық сақтауын ұйымдастыру; - қоршаған ортаны қорғау және ресурстарды ұтымды пайдалану.

Кәсіби қызмет бағыттары бөлімшенің күнделікті өмір тіршілігін басқаруды, әскери дайындықты және жауынгерлік іс-қимылдар жүргізуді қамтиды.