ҚазҰАЗУ мен Эмираттағы Америка университеті (American University of Emirates) арасында екі дипломдық бағдарлама туралы келісімге қол қойылды
2023 жылдың 15-17 қараша аралығында Таяу Шығыстағы тұрақтылықты, жасыл экономиканы дамыту, су ресурстарын тиімді пайдаланудағы инновациялық технологияларды қолдану жөніндегі 25-ші Халықаралық WETEX&DSS көрмесі өтуде.
✅ Көрме жұмысына ҚР Ұлттық ғылым академиясының Вице-президенті, Қазақ ұлттық аграрлық зерттеу университетінің Басқарма Төрағасы – Ректор, ауыл шаруашылығы ғылымдарының докторы, профессор Ақылбек Күрішбаев қатысуда.
✅ ҚазҰАЗУ ректоры Ақылбек Күрішбаев сонымен қатар, а.ж. 16 қараша күні Эмираттағы Америка университетінің басшылығымен кездесіп, қос ЖОО арасындағы екі дипломдық бағдарламаға қол қою рәсімін өткізді.
✅ American University of Emirates: «Цифрлық революцияны қабылдаңыз және технологиялар әлемінде көшбасшы болыңыз» деген девизбен жұмыс істейтін елдегі ақпараттық технологияларды басқару саласындағы көшбасшы оқу орнының бірі.
Университетте әлемдік деңгейдегі ІТ жүйелері, желілік инфрақұрылым қалыптасқан, киберқауіпсіздік, дерекқор жинақтау және жобаны басқару, бизнес инновацияларды енгізу, өнімділікті оңтайландыру технологиясы сияқты салалар озықтығымен ерекшеленеді.
✅ Қоғамда ІТ мамандарына сұраныстың артуына байланысты екі ЖОО арасында қабылданған екі дипломдық бағдарлама болашақта технологиялық жобалар менеджері, жүйелік талдаушы, киберқауіпсіздік инспекторы және ІТ кеңесшісі сияқты жаңа мамандықтар дайындауға кеңіне жол ашатынына сенім мол.
ҚазҰАЗУ Баспасөз қызметі
