KazNARU «ДЕНСАУЛЫҚ-2024» СПАРТАКИАДАСЫНЫҢ ЖЕҢІМПАЗДАРЫ МАРАПАТТАЛДЫ
✅ Бүгін 2024 жылдың 04-19 қаңтар аралығында Қазақ ұлттық аграрлық зерттеу университетінің профессор-оқытушылар құрамы мен қызметкерлері арасында өткізілген «Денсаулық-2024» спартакиадасының салтанатты жабылуы болып өтті.
✅ Спорттың 9 түрінен өткізілген Спартакиадаға қатысушылар мен жеңімпаздарды университет басшылығы атынан Басқарма Төрағасы - Ректордың орынбасары Пірімқұл Ибрагимов құттықтады.
✅ Кез келген елдің болашағы – денсаулығы мықты ұлтқа байланысты. Үнемі спортпен шұғылданатын, салауатты өмір салтын ұстанатын адамның қоғамға, қоршаған ортаға тигізер пайдасы мол болмақ. Бұл тұрғыда осы ұстаныммен жүретін, шынайы спортпен айналысатын ұстаздардың студенттерге берер тәлім-тәрбиесі де бөлек.
✅ «Университет басшылығы да бұл мәселеге үлкен мән беріп, спортпен айналысуға барлық жағдайды жасап келеді. Заманауи үлгідегі спорт кешені, спорттық құралдармен жабдықталған тренажерлық зал, жаздық футбол алаңы, мини футбол алаңы, Орталық стадионымыздың есігі баршаға ашық. Бүгінгі өткізіліп отырған факультетаралық Спартакиада – бұқаралық спорт түрлерін дамытуға бағытталған үлкен шаралардың бірі» - дей келе, Пірімқұл Шолпанқұлұлы жарыс жеңімпаздарына Алғыс хаттар мен Дипломдар, сыйлықтар тапсырды.
✅ Сондай-ақ, KazNARU аппарат жетекшісі Жазира Базарбаева, «Дене тәрбиесі және спорт» кафедрасының меңгерушісі Меруерт Тұяқбаева, ардагер спортшы, профессор Тастанбек Атақұлов сөз сөйлеп, спортқа үлкен қолдау көрсетіп отырған университет басшылығына алғыс білдірді.
✅ Жарысқа 6 факультеттің: «Инженерлік-техникалық», "Су, жер және орман ресурстары" , "Ветеринария", "Агробиология", "Зооинженерия және азық-түлік өндірісі технологиясы", «Бизнес және құқық Жоғары мектебі» мен аппарат командасы қатысты.
✅Дене тәрбиесі және спорт кафедрасының, Жергілікті кәсіподақтың қолдауымен тоғызқұмалық, қол күресі, волейбол, футзал, баскетбол, шахмат, үстел теннисінен өткізілген жарыс жеңімпаздары ортаға шақырылып, құрмет көрсетілді.
✅ Командалық есепте «Ветеринария» факультеті жүлделі 1-орын, «Инженерлік-техникалық» факульеті 2-орын, «Зооинженерия және азық-түлік өндірісі технологиясы» факультеті 3-орынды иеленіп, жеңіс тұғырына көтерілді.
✅Спартакиада жеңімпаздар мен барша қатысушыларды мерейлі жетістікерімен құттықтаймыз!
Алдағы жеңісті күндеріңіз көп болсын!
KazNARU Баспасөз қызметі
