KazNARU-дың ЖАС МАМАНДАРЫ ДИПЛОМ АЛДЫ

Қазақ ұлттық аграрлық зерттеу университетінің «Агробиология» факультетінің түлектеріне Басқарма Төрағасы – Ректор, ҚР Ұлттық ғылым академиясының Президенті, академик Ақылбек Күрішбаевтың атынан оқу ордасының Дипломдары мен Алғыс хаттары тапсырылды.

«Агробиология» факультетінде биыл бакалавриат бойынша 7 білім беру бағдарламасында 87 түлек бітіріп, оның ішінде, 19-ы үздік диплом алып шықты.

KazNARU Басқарма Төрағасы – Ректордың бірінші орынбасары, в.ғ.д. Пірімқұл Ибрагимов біздің студенттеріміз дүние жүзіне танымал, жетекші жоғары оқу орындарында екі дипломдық бағдарлама бойынша білім алатынын атап өтті.

Олардың алдыңғы қатарында – Малайзияның Паханг университеті, Варшава жаратылыстану ғылымдары университеті, Литва денсаулық ғылымдары университеті, Америкалық Эмират университеті, Вайнштефан-Триздорф Университеті бар.

Құрметті талапкерлер! Бізбен бірге жоғары стипендия алып, екі дипломды білікті маман атанғыңыз келсе, сіздерді KazNARU күтеді.

Келіңіздер! Өздеріңіз үшін жаңа мүмкіндіктерді ашыңыздар!

«Ауыл шаруашылығы және биоресурстар», «Ветеринария» білім беру бағдарламалары үшін шекті балл – 50.

KazNARU Алматыдағы студенттерін 100 пайыз жатақханамен қамтамасыз еткен жалғыз оқу ордасы.

Қабылдау комиссиясы көмек көрсетуге дайын.

Тел.: +7 (727) 264-06-13

WhatsApp +7 747 264 08 54

e-mail: 024Kaznau_pk@mail.ru

Мекен-жайымыз: Алматы қ-сы, Абай даңғылы, 8

KazNARU Баспасөз қызметі