ҚҰРМЕТТІ ЖАС ТАЛАПКЕРЛЕР!
ИНЖЕНЕРИЯ МЕН IT–ТЕХНОЛОГИЯЛАР ЖӘНЕ АВТОМАТТАНДЫРУ
МАМАНДЫҚТАРЫ БОЛАШАҒЫҢА АЙҚЫН ЖОЛ АШАДЫ
Қазақ ұлттық аграрлық зерттеу университеті агроөнеркәсіптік кешен, IT-технологиялар, логистика, бизнес және менеджмент саласында жоғары білікті мамандар даярлайды.
Соның бірі – заманауи техникалық құралдармен, компьютерлік технологиялармен жабдықталған оқу-зертханалық және ғылыми-зерттеу аудиториялары бар «Инженерлік–техникалық» факультеті.
ФакультеттегіㅤИ.В.Сахаров атындағы машина пайдалану; Аграрлық техника және механикалық инженерия; IT–технологиялар және автоматтандыру;ㅤЭнергияны үнемдеу және автоматика кафедраларында халықаралық ғылыми ортадағы танымал, беделді академиктер мен профессор оқытушылар дәріс береді, сонымен қатар, инженерия саласындағы кең ауқымды білім беру бағдарламаларын ұсынады.
Факультет түлектері бүгінде ауыл шаруашылығы мен өнеркәсіптегі компанияларда, ірі кәсіпорындарда абыройлы қызметтер атқаруда.
Грантқа түсіп, жоғары стипендия алу мүмкіндігін жіберіп алмаңыз.
Келіңіздер! Ауыл шаруашылығы мамандықтары сіздерді табысқа жетелейді!
KazNARU мемлекеттік білім беру грантын беру жөніндегі конкурсқа қатысу үшін құжаттарды қабылдау 2024 жылғы 13-20 шілде аралығында жүзеге асырылады. Су тасқыны болған аймақтардағы талапкерлер үшін 24 шілдеге дейін ұзартылды.
Өтінішті KazNARU қабылдау комиссиясы арқылы немесе онлайн режимінде «Электрондық үкімет» порталы арқылы беруге болады.
Сондай-ақ, құжаттарды кез келген ЖОО-да (Сіздің орналасқан жеріңіз бойынша) тапсыруға болады.
Биыл «Ауыл шаруашылығы және биоресурстар», «Ветеринария» білім беру бағдарламалары үшін шекті балл – 50.
KazNARU Алматыдағы студенттерін 100 пайыз жатақханамен қамтамасыз еткен жалғыз оқу ордасы.
Қабылдау комиссиясы әрбір талапкерге толық ақпарат беріп, көмек көрсетуге дайын.
Тел.: +7 (727) 264-06-13
WhatsApp +7 747 264 08 54
e-mail: 024Kaznau_pk@mail.ru
Мекен-жайымыз: Алматы қ-сы, Абай даңғылы, 8
KazNARU Баспасөз қызметі
