БІРІНШІ КУРС СТУДЕНТТЕРІ АРАСЫНДАҒЫ СПАРТАКИАДА УНИВЕРСИТЕТТІҢ ЖАҢА СТАДИОНЫНДА ӨТУДЕ

Қазақ Ұлттық Аграрлық зерттеу университетінің бірінші курс студенттері арасындағы спартакиада жаңа стадионда кіші футболдан басталды. Дәстүрлі доданың биылғы ерекшелігі әр факультетке екі команда жасақтап, қатысуға мүмкіндік жасалуында.

30 қыркүйек 03 қазан аралығында кіші футболдан ұлдар арасында университеттің Агробиология, Ветеринария және зооинженерия, Орман шаруашылығы және су ресурстары, Бизнес және құқық жоғары мектебі, Су ресурстары және IT технологиясы, Инженерлік технологиялар факультетінен 11 команда жасақталып, дүбірлі сайысқа түсті.

Жарыс командалар арасында айналмалы түрде өткізілді. Футболшылар бар өнерлерін көрсетіп стадион толы жанкүйерлерге үш күн аясында керемет эмоциялар сыйлады.

Нельсон Мандело «Спорттың әлемді өзгертетін қасиеті бар» деп айтқанындай, «Бірінші курс-2024 KazNARU» спартакиадасының алғашқы жарыс әсерлі өтті. Жарыс барысында сәтсіздікке ұшыраған кездер артта қалып, футбол сүйер жастар бір-бірімен танысып, достасып, әрі қарай университет құрама командасында өнер көрсетуге бел буып тарасты.

Кіші футбол ұлдар арасындағы жарыс қорытындысы:

1-орын «Орман шаруашылығы және су ресурстары»;

2-орын «Ветеринария және зооинженерия»;

3-орын «Инженерлік технологиялар»;

4-орын «Бизнес және құқық жоғары мектебі»;

5-орын «Агробиология»;

6-орын «Су ресурстары және IT технологиясы».

Дене тәрбиесі және спорт кафедрасының меңгерушісі Меруерт Туякбаева өз кезегінде жарысты ұйымдастырып өткізуге қолдау көрсетіп жатқан факультет декандарына, тәрбие жұмысы бойынша декан орынбасарларына, факультеттің белсенді студенттеріне және Бас төреші Б.Т.Отеповке ризашылық білдірді.

KazNARU Баспасөз қызметі