KazNARU ҚЫЗДАРЫ ЖАСЫЛ АЛАҢДА ДОП ТЕПТІ
Қазақ Ұлттық аграрлық зерттеу университетіндегі бірінші курс студенттері арасындағы спартакиада жоғары деңгейде өтуде. Бүгін 7 қазан кіші футболдан білім ордасының қыздары жасыл алаңға шықты.
Спартакиадаға 6 факультеттің білімгер қыздарынан 7 құрама жасақталған. Тіпті жарысқа Су, жер және орман ресурстары факультеті атынан нәзік жандылардан құралған екі команда қатысуда.
Жарыс командалар арасында айналмалы түрде өткізілуде. Содан да болар командалар бір жұдырықтай бірлесіп барын салып жатыр.
30 қыркүйек бастау алған «Бірінші курс-2024 KazNARU» спартакиадасының негізгі мақсаты – білімгерлер арасында салауатты өмір салтын насихаттау, спортпен шұғылдануға шақыру, бос уақытын пайдалы өткізуге баулу, әрі факультеттер арасындағы достық қарым-қатынасты нығайту. Сонымен қатар университеттің құрама командасына спортшыларды іріктеу.
Осы жарыс аясында өзге студенттер де тоғызқұмалақ, шахмат, үстел теннисі, баскетбол, волейбол сынды спорт түрлерінен бақ сынайды.
Жарыс қорытындысына сай жеңімпаз командалар мен білімгерлер бағалы сыйлықтармен, граммотасымен марапатталады.
KazNARU Баспасөз қызметі
