KazNARU СТУДЕНТТЕРІ ЕЛІМІЗДЕГІ ІРІ КӘСІПОРЫНДАРДА ЖОҒАРЫ СҰРАНЫСҚА ИЕ
2024 жылдың 1 қарашасында Инженерлік технологиялар факультеті «Технология және тағам өнімдерінің қауіпсіздігі» және «Аграрлық техника және машина жасау» кафедраларының 3 және 4 курс студенттері «Шин-Лайн» компаниясының өкілдерімен кездесу өткізді. Тренинг шараға бизнес-тренер Лавриненко Антон келді.
Сонымен қатар, қонақтар қатарында кадрларды іріктеу, жұмысқа қабылдау және бейімдеу бойынша маман Сарандаева Елена және кадрларды іріктеу, жұмысқа қабылдау және бейімдеу жөніндегі маман Какенова Орынбала бар.
Тренингтің мақсаты – студент жастардың болашақта табысты жұмысқа орналасуы үшін қажетті іскерлік қарым-қатынас дағдыларын дамыту. Әрі әлеуметтік сенімді арттыру.
Университетімізді аяқтаған жастар мұндай ірі компанияларда таптырмас маман ретінде жоғары бағаланады.
Жалпы, «Шин-Лайн» компаниясы - Орталық Азиядағы балмұздақ, сүт пен май, вафли, мұздатылған жартылай фабрикаттар және тез дайындалатын кеспе шығару бойынша №1 өндіруші болып табылады.
Аталмыш өндіріс орны осыдан 20 жыл бұрын шағын отбасылық балмұздақ зауыты ретінде жұмысын бастаған еді.
«Шин-Лайн» ЖШС қызметкерлеріне қызықты және пайдалы кездесу үшін алғыс айтамыз. Алдағы уақытта да жемісті ынтымақтастыққа сенімдіміз!
KazNARU Баспасөз қызметі
