«БІРІНШІ КУРС-2024 KazNARU» СПАРТАКИАДАСЫ: ВОЛЕЙБОЛДАН ҚЫЗДАР АРАСЫНДА ТАРТЫСТЫ ЖАРЫС БАСТАЛДЫ

Қазақ ұлттық аграрлық зерттеу университетінде қыздар арасында волейбол ойынынан тартысты жарыс басталды. Спорттық дода «Бірінші курс-2024 KazNARU» спартакиадасы аясында өткізілуде.

Жарысқа университеттің алты факультетіндегі бірінші курс студенттері арасынан 7 команда қатысуға өтінім берген. Бұл күні жақсы нәтиже көрсеткен 4 команда ғана келесі кезеңге жолдама алады.

Ала допты алақанында ойнатқан бірінші курс қыздары бүгінгі ойында барын салды. Өзара бақ сынасқан ойыншылар намысты қолдан бермеуге тырысты.

Командалар арасындағы ойындар өте тартысты өтті. Жарыстың бас төрешісі Кузнецов Олег Павлович қыздар сайысына әділ төрелік етті.

30 қыркүйек бастау алған «Бірінші курс-2024 KazNARU» спартакиадасының негізгі мақсаты – білімгерлер арасында салауатты өмір салтын насихаттау, спортпен шұғылдануға шақыру, бос уақытын пайдалы өткізуге баулу, әрі факультеттер арасындағы достық қарым-қатынасты нығайту. Сонымен қатар университеттің құрама командасына спортшыларды іріктеу.

Жарыс қорытындысына сай жеңімпаз командалар мен білімгерлер бағалы сыйлықтармен, граммотасымен марапатталады.

KazNARU Баспасөз қызметі