KazNARU СТУДЕНТТЕРІ «БАЙСЕРКЕ-АГРО» ОҚУ ОРТАЛЫҒЫНДА ӨНДІРІСТІК ПРАКТИКАДАН ӨТЕДІ

Қазақ ұлттық аграрлық зерттеу университетінің Басқарма Төрағасы - Ректордың орынбасары Әбдіров Айтжан Мұхамеджанұлы "Байсерке-Агро" ғылыми-өндірістік оқу орталығының директоры Бақытжан Асылбекқызы Төкеновамен және Германиялық сарапшы Ульрих Шмитпен кездесті.

Бұл кездесу «Қазақстандағы тұрақты сүт өндірісі саласындағы кәсіпорынның құзыреттілігін арттыру» жобасы аясында өтті.

Германиялық сарапшы Ульрих Шмит Қазақстанға «Байсерке-Агро» ғылыми-өндірістік оқу орталығында ірі қараның өсімі мен сүтін көбейту, сапасын арттыру жобасын алғашқы болып жүзеге асыруға арнайы келген. Сонымен қатар, ол өз сапары аясында орталықты модернизациялау және инвестиция тарту мәселелеріне де зерттеу жұмыстарын жүргізеді.

Кездесу барысында тараптар өз тәжірибелерімен бөлісіп, мүмкіндіктерін талқыға салды. Сондай-ақ, KazNARU студенттерінің қонақ дәрістері мен өндірістік практикаларын өткізетін оқу жобасын сүзгіден өткізді.

KazNARU баспасөз қызметі