KazNARU оқытушылары ҚХР-да біліктілігін арттырып қайтты
Қазақ ұлттық аграрлық зерттеу университетінің Ветеринария және Зооинженерия факультеті «Зооинженерия және биотехнология» кафедрасының қауымдастырылған профессорлары Р. Қадыкен мен Е. Баймәжі Қытай Халық Республикасында біліктіліктерін арттырып қайтты.
Білімі мен тәжірибені тереңдеткен іс-шара 2024 жылдың 30 қазанынан бастап, 6 қараша аралығында «Батыс-Солтүстік ауыл және орман шаруашылығы ғылыми техникалық университетінде» өтті. Онда университет оқытушылар «Орта Азия елдерінің мал шаруашылығының замамануи технологиясын қалыптастыру» тақырыбындағы семинар-тренингке қатысты.
Іс-шараға Қазақстан (ҚазҰАЗУ, С.Сейфуллин атындағы ҚазАТУ, М.Қозыбаев атындағы СҚУ, Шәкәрім университеті), Өзбекстан (Ташкент аграрлық универстеті) және Тәжікстан (Тәжік аграрлық университеті) республикаларының мал шаруашылығы саласының мамандары жиылған.
Біліктілікті арттыру барысында ҚХР «Батыс-Солтүстік ауыл және орман шаруашылығы ғылыми техникалық университетінде» білікті мамандары мал шаруашылығының заманауи технологиягиясы бойынша дәрістер оқыды, тәжірибе жүзінде мал фермаларының тыныс-тіршілігімен таныстырды, соңғы зерттеулері мен озық тәжірибелерін үйретті.
Семинар-тренинг нәтижелі аяқталғаннан кейін қатысушыларға арнайы сертификаттар табысталды.
