«БІРІНШІ КУРС-2024 KazNARU» спартакиадасы бойынша волейболдан ерлер арасындағы дода аяқталды

Қазақ ұлттық аграрлық зерттеу университетінің бірінші курс студенттері арасындағы спорттық дода қызу жүріп жатыр. Осы аптада волейболдан ерлер арасындағы жарыс соңына жетті.

«Бірінші курс-2024 KazNARU» спартакиадасы аясында волейбол ойыны бойынша жарыс 8-11 қараша аралығында өтті. Оған оқу орнындағы бірінші курс жігіттерінен 160 студент жиылып, 11 команда құрамдалды.

Спорттық додада қатысушылар айналмалы ойын жүйесімен тартысқа түсті. Әрине бақ шабама, бап шабама дегендей, жігіттер бірінші болуға барын салды. Ала допты алақандарында үйірген студенттер ойынды қолдауға келген өз жанкүйерлеріне ерекше көңіл күй сыйлады.

30 қыркүйек бастау алған «Бірінші курс-2024 KazNARU» спартакиадасының негізгі мақсаты – білімгерлер арасында салауатты өмір салтын насихаттау, спортпен шұғылдануға шақыру, бос уақытын пайдалы өткізуге баулу, әрі факультеттер арасындағы достық қарым-қатынасты нығайту. Сонымен қатар университеттің құрама командасына спортшыларды іріктеу.

Волейболдан жігіттер арасындағы нәтиже мынадай:

1 орын – «Инженерлік технологиялар» командасы

2 орын – «Бизнес және құқық жоғары мектебі» командасы

3 орын – «Орман шаруашылығы және жер ресурстары» командасы

4 орын – «Ветеринария» командасы

5 орын – «Агробиология» командасы

6 орын – «Су ресурстары және IT-технологиясы» командасы.

Ойынға төрешілік еткендер тізімі мынадай:

Бас төреші – Арзиев Ш.А.

Төреші - Кузнецов О.П.

Бас хатшы - Қуанышев А.С.,

Хатшы – Жамалбеков У.С.,